21:51 19 Noyabr 2017
Canlı yayım
VİDEO

“Bakı-2015”-in məşəli Bərdədən Goranboya gətirildi

Qısa URL
Bakı Avropa oyunlarının məşəli (5)
3201
© AZƏRTAC

Məşəli Avropa Oyunlarının rəmzi qapısında rayon idmançısı Xəyal Hüseynov qəbul edib

BAKI, 14 may — Sputnik. Birinci Avropa Oyunlarının məşəli mayın 14-də Bərdədən Goranboy rayonuna gətirilib.

AZƏRTAC xəbər verir ki, məşəlin qarşılanma mərasiminə minlərlə rayon sakini toplaşıb. 

Məşəli Avropa Oyunlarının rəmzi qapısında rayon idmançısı Xəyal Hüseynov qəbul edib. Sonra 10 məşəlçi 4 kilometr məsafədə yürüşə başlayıb. Məşəli növbə ilə bir-birinə ötürən idmançılar rayon sakinlərinin alqış sədaları altında Ulu Öndərin adını daşıyan prospekt boyunca hərəkət edərək Heydər Əliyev Mərkəzinin qarşısına gəliblər.

Dünya çempionu Yalçın Qarayev səhnəyə qalxaraq Avropa Oyunlarının məşəlini alovlandırıb. İştirakçılar Atəşgah məbədində birinci Avropa Oyunları məşəlinin alovlandırılması mərasimini əks etdirən videoçarxı maraqla izləyiblər.

Sonra “Bakı-2015”-in çırağı yandırılıb. Rayonun gənc idmançısı, yunan-Roma güləşi üzrə yeniyetmələr arasında dünya çempionu Elnur Həsənov çırağı Oyunlar başa çatana qədər saxlanılması üçün Heydər Əliyev Mərkəzinə təqdim edib.

Birinci Avropa Oyunlarının məşəli Goranboydan Naftalan şəhərinə yola salınıb.

Mövzu:
Bakı Avropa oyunlarının məşəli (5)

Digər videolar

Əsas mövzular