22:14 27 Noyabr 2020
Canlı yayım
  • USD1.7000
  • RUB0.0274
  • EUR1.9035
Hi-Tech
Qısa URL
Azərbaycan və Ermənistan arasında müharibə (1130)
64 0 0

"Fişinq" xarakterli e-məktubda guya son dövrdə artan kiberhücumlardan qorunmaq məqsədilə ASAN Dövlət Agentliyinin İnformasiya Mərkəzi tərəfindən Xarici İşlər Nazirliyi əməkdaşları üçün xüsusi təlim proqramı hazırlandığı qeyd olunub

BAKI, 20 oktyabr — Sputnik. Ermənistan tərəfindən elektron poçt üzərindən uğursuz "fişinq" hücum cəhdləri davam edir. Azərbaycan Nəqliyyat, Rabitə və Yüksək Texnologiyalar Nazirliyindən (NRYTN) Sputnik Azərbaycan-a verilən məlumata görə, bu dəfə istifadəçilərə göndərilən "fişinq" xarakterli e-məktubda guya son dövrdə artan kiberhücumlardan qorunmaq məqsədilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İnformasiya Mərkəzi tərəfindən Xarici İşlər Nazirliyi əməkdaşları üçün xüsusi təlim proqramı hazırlandığı bildirilir.

Eyni zamanda həmin təlimdə iştirak etmək üçün keçidə daxil olaraq, korporativ e-poçt və şifrin daxil edilməsi istənilir. İstifadəçi keçidə daxil olaraq məlumatları təqdim etdikdə həmin məlumatlar kibercinayətkarların əlinə keçir.

"Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti hazırkı vaxtda hər kəsi maksimum diqqətli olmağa, şübhəli keçidlərə daxil olmamağa və hər hansı faylı yükləməməyə və məlumatların düzgünlüyünü rəsmi mənbələrdən yoxlamağa çağırır. Xahiş edirik, bu kimi hallarla üzləşdikdə, www.cert.az saytı və ya reports@cert.az elektron poçt ünvanı vasitəsilə Elektron Təhlükəsizlik Xidmətinə məlumat verin", - Nazirlikdən bildirilib.

Mövzu:
Azərbaycan və Ermənistan arasında müharibə (1130)

Əlaqədar

"Mail.ru" istifadəçiləri, diqqət: hisslərinizlə oynayıb hücuma keçirlər
Vətəndaşlarımıza mesaj vasitəsilə saxta çağırışlar edilir: Raket hücumu var
Ermənilər kibermühitdə təxribatlarını davam etdirirlər - Nazirlik
"İnstagram" parolu və "Whatsapp" mesajına aldanmayın - Bu təxribat ola bilər

Əsas mövzular