Cəmiyyətdəki zorakılıq hadisələrinə ayrı-ayrı faktlar kimi baxmamalıyıq. Övladlarımıza sevməyi də, ayrılmağı da, istənilən kritik vəziyyətdə soyuqqanlı davranmağı da öyrətməliyik.

Qarabağda meşələri doğrayan erməniyə elə gəlir ki, o, yalnız azərbaycanlıya zərər verir - əslində isə təbiət sirkulyativ olaraq işləyir, dünyanın bu küncündə kəsilən ağac o biri köşəsində də oksigeni azaltmış olur. Zəngilan isə Ermənistanın düz sərhəddidir.

İnsan Yer kürəsinin özü yaratmadığı resurslarını da ədalətli bölə bilmirsə, hansısa şirkətlərin tapıntısı olan peyvəndin ədalətli bölgüsünü gözləmək bir az sadəlövh gözlənti deyil ki?!