10:40 24 Sentyabr 2021
Canlı yayım
  • USD1.7000
  • EUR1.9961
  • RUB0.0234
© Sputnik / Murad Orujov
"Neftçi" UEFA Çempionlar Liqasının II təsnifat mərhələsinin cavab oyununda Yunanıstan "Olimpiakos"una qarşı.

Doğma tribunalardakı azarkeş dəstəyi də “ağ-qaralar”a kömək olmayıb. “Neftçi” ev oyununda da uduzaraq qitənin ən nüfuzlu klub turniri ilə vidalaşıb.

BAKI, 28 iyul - Sputnik. Azərbaycan çempionu “Neftçi” avrokuboklarda növbəti oyununu keçirib.

Sputnik Azərbaycan apasport.az saytına istinadən bildirir ki, Bakı klubu Çempionlar Liqasının II təsnifat mərhələsinin cavab görüşünə çıxıb.

Samir Abasovun yetirmələri Yunanıstan “Olimpiakos”unu qəbul ediblər. Paytaxt təmsilçisi “Bakcell Arena”dakı matçı səfərdəki 0:1 hesablı məğlubiyyətin əvəzini çıxmaq arzusu ilə başlayıb.

Lakin doğma tribunalardakı azarkeş dəstəyi də “ağ-qaralar”a kömək olmayıb. “Neftçi” ev oyununda da uduzaraq qitənin ən nüfuzlu klub turniri ilə vidalaşıb.

Qeyd edək ki, bu qarşılaşmalardan sonra “Olimpiakos” Çempionlar Liqasının, “Neftçi” Avropa Liqasının III təsnifat mərhələsinə yollanıb.

Çempionlar Liqası
II təsnifat mərhələsi, cavab oyunu
28 iyul
21:00. “Neftçi” (Azərbaycan) – “Olimpiakos” (Yunanıstan) - 0:1
Qol: Giorqos Masuras, 15
Baş hakim: Rikardo de Burqos (İspaniya)
Bakı. “Bakcell Arena”
İlk oyun – 0:1.

“Neftçi” avrokubokların 2021/22 mövsümünə Avropa Liqasında davam edəcək. Samir Abasovun yetirmələri Azərbaycanın Avropa Liqasındakı yeganə təmsilçisi olacaqlar. Paytaxt təmsilçisi qitənin ikinci dərəcəli klub turnirinə III təsnifat mərhələsindən başlayacaq.

Çempionlar yolunda mübarizə aparacaq “Neftçi” burada Finlandiyanın HİK klubu ilə qarşılaşacaq. “Suomilər” Çempionlar Liqasının II təsnifat mərhələsində İsveç “Malmö”sünə “boyun əyiblər” – 1:2, 2:2.

“Neftçi” və HİK arasında ilk qarşılaşma avqustun 5-də Bakıda təşkil olunacaq. Avropa Liqasında pley-offa yollanacaq komanda ayın 12-də Helsinkidə keçiriləcək matçda bəlli olacaq. Burada da uduzan tərəf Konfrans Liqasının pley-offunda iştirak edəcək.

Eləcə də oxuyun:

Teqlər:
futbol, Çempionlar Liqası, "Neftçi"

Digər fotolentlər

Əsas mövzular