CƏMİYYƏT
Cəmiyyətin həyatında baş verən aktual hadisələr

Mitroviç millimizi son pilləyə saldı

© AFP 2023 / TOFIK BABAYEVМатч отборочного цикла ЧМ-2022 между сборными Азербайджана и Сербии
Матч отборочного цикла ЧМ-2022 между сборными Азербайджана и Сербии - Sputnik Azərbaycan, 1920, 30.03.2021
Abunə olmaq
Seçmə mərhələyə Portuqaliyaya 0:1 hesablı məğlubiyyətlə başlayan yığmamız startda ikinci dəfə uduzub.

BAKI, 30 mart - Sputnik. Azərbaycan millisi növbəti oyununu keçirib.

Sputnik Azərbaycan apasport.az-a istinadən bildirir ki, yığmamız DÇ-2022-nin seçmə mərhələsində ikinci matçına çıxıb.

Canni de Byazinin yetirmələri ilk ev qarşılaşmasında Serbiya ilə görüşüb. Bakı Olimpiya Stadionunda keçirilən görüşə A qrupunun lideri kimi çıxan balkanlılar 16-cı dəqiqədə hesabı açıblar. Cari dövrdə 4-cü qoluna imza atan Aleksandar Mitroviç komandasını hesabda önə çıxarıb.

Fasilədən sonra yığmamız qonaqların qapısına yol tapıb. Qətərlə görüşdəki kimi bu dəfə də millimiz penaltidən fərqlənib. Emin Mahmudov özü qazandığı 11 metrlik cərimə zərbəsini asanlıqla qola çevirib. Bu, yarımmüdafiəçinin millidə 2-ci qolu olub.

Товарищеский матч между сборными Азербайджана и Катара - Sputnik Azərbaycan, 1920, 27.03.2021
İDMAN
Millimiz Qətər yığmasına məğlub oldu

Amma komandamız bu nəticəni qoruya bilməyib. Üç gün öncə Serbiya millisinin tarixinə ən yaxşı bombardir kimi düşən Aleksandar Mitroviç növbəti dublunu gerçəkləşdirib. Forvard tsikldəki 3-cü matçında qol sayını 5-ə çatdırmaqla komandasına da 3 xal qazandırıb.

Seçmə mərhələyə Portuqaliyaya 0:1 hesablı məğlubiyyətlə başlayan yığmamız startda ikinci dəfə uduzub. Millimiz bu yenilgi ilə sonuncu pilləyə yuvarlanıb. Üç gün öncə yoldaşlıq görüşündə Qətərə də uduzan komanda ardıcıl 3-cü məğlubiyyətə üzülüb.

Qeyd edək ki, qrupda turun digər görüşündə Lüksemburq Portuqaliyanı qonaq edəcək. Matç Bakı vaxtı ilə saat 22:45-də başlayacaq.

DÇ-2022-nin seçmə mərhələsi
A qrupu, III tur
30 mart
20:00. Azərbaycan - Serbiya - 1:2
Qollar: Emin Mahmudov, 60 (pen.) - Aleksandar Mitroviç, 16, 81
Baş hakim: Roy Reynşreyber (İsrail)
Bakı Olimpiya Stadionu

Xəbər lenti
0