03:51 18 Avqust 2019
Canlı yayım
  • USD1.7000
  • RUB0.0257
  • EUR1.8876
Neftçi futbol klubunun azərkeşləri. Arxiv şəkli

Bileti cibində olan Neftçi, gərgin Səbail

© Photo : neftchipfk.com
İDMAN
Qısa URL
18 0 0

Fövqaladə nəsə baş verməzsə, flaqman növbəti mərhələdə Rusiyanın "Arsenal"ı (Tula) ilə qarşılaşacaq

Kamal Almuradlı, Sputnik Azərbaycan

BAKI, 18 iyul — Sputnik. Bu gün Avropa Liqasında 1-ci təsnifat mərhələsinin cavab oyunları keçiriləcək.

Futbol topu, arxiv şəkli
© Sputnik / Vladimir Pesnya

Sputnik Azərbaycan xəbər verir ki, Azərbaycanı Avrokuboklarda təmsil edən klublardan ilk olaraq "Səbail" meydana çıxacaq.

Aftandil Hacıyevin komandası Rumıniyada "Universitatya Krayova"nın qonağı olacaq. Bakıda keçirilən ilk görüşdə 2:3 hesabı ilə məğlub olan "Səbail"i səfərdə çətin sınaq gözləyir.

İslandiyalı hakim Helki Mikael Yonassonun idarə edəcəyi oyun 20:00-da Krayaova şəhərinin İon Oblemanko stadionuda baş tutacaq.

Bakının "Neftçi" komandası isə bu axşam 21:00-da cavab matçına çıxacaq. Roberto Bordinin yetirmələri "Bakcell Arena"da Moldovanın "Sperantsa" klubunu qəbul edəcək. Səfərdəki görüşdə 3 cavabsız qolla rəqibini darmadağın edən "ağ-qaralar" növbəti mərhələnin vəsiqəsini demək olar ki, təmin edib. Fövqəladə nəsə baş verməzsə, flaqman növbəti mərhələdə Rusiyanın "Arsenal"ı (Tula) ilə qarşılaşacaq.

Əsas mövzular