BAKI, 20 dekabr — Sputnik. İngiltərə Premyer Liqasında irqçiliklə mübarizə çərçivəsində vacib qərar qəbul edilib.
Sputnik Türkiyə xəbər verir ki, çempionatın 14-cü həftəsində “Arsenal”-“Tottenhem” oyununda meydançaya banan qabığı atıblar. Bundan sonra meydana banan qabığı atan azarkeşin 4 il müddətinə stadiona buraxılmaması barədə qərar qəbul edilib.
Oyun 4-2 hesabı ilə “Arsenal”ın xeyrini başa çatıb. “Tottenhem” tərəfdarı olan Averof Panteli adlı azarkeş “Arsenal”ın qabonlu futbolçusu Pierre-Emerik Aubameyanga, sonuncu qol vurandan sonra banan qabığı atıb. Bununla da o, qara dərili oyunçunu “meymun” deyə təhqir etmək istəyib.
The Tottenham fan who threw a banana skin onto the Emirates Stadium pitch as Arsenal's Pierre-Emerick Aubameyang celebrated a goal will not be charged with a racist offence but will be banned for life by Spurshttps://t.co/IH5bHb81fu pic.twitter.com/1FEZuoDhRr
— AFP Sport (@AFP_Sport) 4 декабря 2018 г.
Məhkəmə qərarı ilə həmin azarkeşə oyunları canlı izləmək üçün 4 il müddətinə stadionlara getmək qadağan edilib.
“Tottenhem” klubu isə Pantelinin ömürlük bu komandanın meydanına buraxılmaması barədə qərar qəbul edib. Azerkeş ayrıca olaraq, 635 funt-sterlinq məbləğində də cərimə olunub.
