BAKI, 8 dekabr - Sputnik. İngiltərənin "Mançester Yunayted" klubu heyətini yeni futbolçu ilə gücləndirib.
"Report" RMC-yə istinadən xəbər verir ki, klub tezliklə Fransa "Amyen"inin 16 yaşlı futbolçusu Noam Emeranın keçidini elan edəcək.
Gənc hücumçu qış transfer pəncərəsində yeni komandasına qoşulacaq. İngiltərə nəhəngi bu transfer üçün 10 milyon avro ödəyəcək.
Qeyd edək ki, Noam Emeranı Fransanın PSJ, İspaniyanın "Valensiya" və İtaliyanın "Yuventus" klubları da heyətinə cəlb etmək istəyirdi.
