BAKI, 7 iyul — Sputnik. Bu gün futbol üzrə dünya çempionatında 1/4 final mərhələsinin daha 2 oyunu baş tutacaq. Sputnik Azərbaycan xəbər verir ki, İsveç İngiltərə, Rusiya isə Xorvatiya ilə qarşılaşacaq.
İlk olaraq meydana İsveç və İngiltərə milliləri çıxacaq. Oyun Bakı vaxtı ilə saat 18:00-da Samaradakı "Kosmos" Arenada keçiriləcək.
Xatırladaq ki, 1/8 finalda İsveç İsveçrəni, İngiltərə isə Kolumbiyanı məğlub edib.
Saat 22:00-da baş tutacaq ikinci oyunda isə meydan sahibi Rusiya millisi Xorvatiya yığması ilə qarşılaşacaq. Oyun Soçidəki "Fişt" Arenada keçiriləcək.
Xatırladaq ki, 1/8 finalda Rusiya İspaniyanı, Xorvatiya isə Danimarkanı məğlub edib.
