BAKI, 29 aprel — Sputnik. Bakıda keçirilən Formula 1 Qran-Prisinidə ilk sərbəst yürüşlər və sıralama turu zamanı havanın temperaturu 22 dərəcə imiş. Bu da pilotlar üçün əlverişli olub. Amma dünən axşamdan başlayan güclü külək bu gün də davam edir.
Sputnik Azərbaycan xəbər verir ki, Bakının küləyi pilotların işini çətinləşdirib. Belə ki, Formula 2-nin ikinci yarışının finalında dörd qəzanın baş verməsi buna bariz nümunədir.
Mütəxəssislər proqnozlaşdırır ki, külək Formula 1 yarışdalarının finalına kimi səngiməsə pilotların işi çətin olacaq. Onlar rəqibləri ilə yanaşı, külək ilə də mübarizə etməli olacaqlar. Külək Formula 1 yarışını daha maraqlı və nəfəskəsici edəcək.
Qeyd edək ki, Formula 1 Azərbaycan Qran-Prisinin finalı bu gün 16:10 da başlayacaq.
