BAKI, 19 may — Sputnik. Azərbaycan yığması Bakıda keçirilən IV İslam Həmrəyliyi Oyunlarının 8-ci günündə 8 medal qazanıb. Yığmamız 4 qızıl, 2 gümüş və 2 bürünc medal əldə edib.
Bununla da Azərbaycanın ümumi medal 124-ə çatıb. Bu mükafatların 63-ü qızıl, 35-i gümüş, 26-sı bürüncdür. Millimiz ümumi sıralamada liderliyi ələ alıb. Belə ki, yığmamız qızıl medalların sayına görə Türkiyəni arxada qoyub.
