Rahim Zakiroğlu, Sputnik Azərbaycan
Lənkəranlı taekvondoçular növbəti uğur qazanıblar. Belə ki, 6-9 fevral tarixlərində Türkiyənin Antalya şəhərində Gənclər və Böyüklər Arasında Klublararası Avropa Çempionatı keçirilib. Bu mötəbər yarışa Təhsil İdman Respublika İdman Mərkəzinin Lənkəran Filialının 3 idmançısı — 59 kq çəki dərəcəsində Fərid Sultan, 51 kq çəki dərəcəsində Kənan Fərzullayev gənclər arasında keçirilən yarışlara, böyüklər arasında keçirilən yarışlara isə 54 kq çəki dərəcəsində Samid Bağırlı qatılıblar.
Təhsil Respublik İdman Mərkəzinin Lənkəran Filialını təmsil edən 3 idmançıdan yalnız bir nəfər — Fərid Sultan fəxri kürsünün ən yüksək pilləsinə qalxaraq qızıl medala sahib çıxıb. Bundan əlavə Lənkəran Taekvondo Məktəbinin digər yetirməsi olan Ramin Əzizov 87 kq çəki dərəcəsində Milli Komandanın tərkibində Böyüklər arasında keçirilən yarışa qatılıb və 2-ci yerə qalxa bilib.Ramin Əzizov daha sonra 10-14 tarixlərində keçirilən Open Turkey G-2 Taekvondo Turnirində də 87 kq çəki dərəcəsində 3-cü yerə sahib olub.
Qeyd edək ki, hal-hazırda Lənkəran taekvondoçuları yarışdan sonrakı bərpa prossesini keçirlər. Bu prossesdən sonra taekvondoçular növbəti yarışlara hazırlıqlarına start verəcəklər.
