İlham Əhmədov, Sputnik Azərbaycan
BAKI, 15 fev — Sputnik. Oğuzun Xaçmaz kəndində qeyri-adi xizək düzəldilib. Sputnik Azərbaycan-ın bölgə müxbiri xəbər verir ki, yerli sakinlər onu "təkresorlu" xizək adlandırırlar.
Kənd sakinləri arasında bu xizəyə maraq olduqca böyükdür. Bir neçə il bundan əvvəl düzəldilmiş bu xizək növünə ölkədə ancaq Xaçmaz kəndində rast gəlmək olar. Bu xizəklə sürüşmək qışda kənd uşaqlarının vazkeçilməz əyləncəsidir.
Gənclərin asüdə vaxtının səmərəli keşməsi və xizəkçiliyə marağın dahada artırılması məqsədilə qış aylarında mütəmadi olaraq bu idman növü üzrə kütləvi yarışlar təşkil olunur və kəndə rayon idman gənclər idarəsindən nümayəndələr dəvət olunur.
Kənd sakini İlkin Lətifov tərəfindən təşkil olunmuş növbəti yarışa da rayon gənclər və idman idarəsinin nümayəndələri dəvət olunub. Rayon gənclər və idman idarəsinin rəis müavini Şaiq Rüstəmovun bildirdiyinə görə, yarış bu idman növünün gələcəkdə daha da genişləndirilərək respublika səviyyəsində tanıdılması və ona marağın artrırılması məqsədi daşıyır.
Sonda yarışın qalibləri mükafat və diplomlarla təmin olunublar.
