Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

"Biz 30 ildən artıqdır bu qərarı gözləyirdik"

© pixabay / patrickbrassard0Karate
Karate - Sputnik Azərbaycan
Abunə olmaq
Karate Federasiyasının vitse-prezidenti Rəhman Hətəmov: "Karatenin Olimpiya Oyunlarına daxil edilməsinə prezident İlham Əliyevin atdığı addım təkan verib."

BAKI, 4 avq-Sputnik. Dünən Beynəlxalq Olimpiya Komitəsi (BOK) 2020-ci ildə Tokioda keçiriləcək Yay Olimpiya Oyunlarının proqramına 5 yeni idman növünü daxil edib.
Sputnik-in məlumatına görə, bu barədə BOK-un Rio-de-Janeyroda keçirilən 129-cu sessiyasında qərar qəbul olunub. Tokio 2020 olimpiadasına daxil edilən idman növləri bunlardır: beysbol/softbol, karate, skeytbordinq, qayalara dırmanma və sörfinq.

Sputnik-in əməkdaşı Karate Federasiyasının vitse-prezidenti Rəhman Hətəmovdan federasiyanın 2020-ci il Tokio Olimpiadası haqqında planlarını öyrənib.
Vitse-prezident bildirib ki, bu xəbəri illərlə gözləyirdilər:

"Karatenin Olimpiya Oyunlarına daxil olmasını 30 ildən artıqdır gözləyirdik. Bizim komanda dünya komandaları içində ilk beşliyə daxildir. Güclü komandamızın olmasına görə, gələcək olimpiadada uğur qazanacağımıza inanırıq."

Milli komandanın kişilərdən ibarət yığmasının idmançılarının yaşı 28-30 arasındadır. 4 il sonra 34 yaşlı idmançı olacaqlar. Bu da onların nisbətən cavan rəqibləri ilə döyüşmələrinə mənfi təsir göstərəcək. O zaman bizim milli komandadan uğur gözləmək olar?

Beynəlxalq Olimpiya Komitəsinin prezidenti Tomas Bax (soldan 3-cü) və Rio-2016 Təşkilat komitəsinin sədri Artur Nuzman (sağda) BOK-un  129-cu sessiyası zamanı. Rio-de-Janeyro, 1 avqust 2016-cı il - Sputnik Azərbaycan
İDMAN
İdmansevərlərə müjdə: 5 idman növü Olimpiadaya daxil edilib
Rəhman Hətəmov bu problemlə bağlı suala cavabında deyib: 

"Öncəliklə qeyd edim ki, karatenin olimpiya idman növlərinə daxil edilməsi bu idman növünə marağın artmasına və bu sahəyə daha çox idmançının gəlməsinə səbəb olacaq. Bu da özlüyündə rəqabətin artmasına gətirib çıxaracaq. Olimpiadaya kimi 4 il vaxtımız var. O vaxta kimi ən güclülər seçiləcək və Azərbaycanı təmsil edəcəklər."

Vitse-prezident karatenin olimpiya idman növünə daxil edilməsinin bir səbəbinin də Bakıda keçirilən Birinci Avropa Oyunlarının olduğunu qeyd edib.

"Prezident İlham Əliyevin təşəbbüsü ilə karate idman növünün Avropa oyunlarına salınması və oyunlar zamanı bu idman növünə marağın çoxluğu Beynəlxalq Olimpiya Komitəsinin diqqətindən yayınmayıb və bu, karatenin olimpiya idman növünə əlavə etməsinə təkan verən amillərdən biri olub."

Xəbər lenti
0