16:39 22 İyul 2018
Canlı yayım
  • RUB0.0267
  • USD1.7000
  • EUR1.9828
FC Barcelona

"Barselona" beşinci dəfə UEFA Superkubokunu qazanıb

wallwidehd.com
İDMAN
Qısa URL
2511

İspaniyanın iki klubu Tiflisdə Superkubok matçında üz-üzə gəlib.

BAKI, 12 avq — Sputnik. İspaniyanın iki klubu Tiflisdə Superkubok matçında üz-üzə gəlib.

Apasport.az saytının məlumatına görə, Gürcüstanın paytaxtı Tiflisdəki “Dinamo Arena”da baş tutan görüşdə Çempionlar Liqasının son qalibi “Barselona” ilə Avropa Liqasını qazanan “Sevilya” münasibətlərinə aydınlıq gətiriblər.

Tarixi ərzində 9-cu dəfə Superkubokda iştirak etmək imkanı əldə edən “Barselona” 5-ci dəfə bu kuboku müzeyinə aparmaq və bu baxımdan rekordçu “Milan”a çatmaq arzusunda idi.

“Sevilya” isə tarixi ərzində 4-cü dəfə Superkubok matçına çıxıb. Birinci və sonuncu dəfə 2006-cı ildə məhz “Barselona” üzərində qəbələ qazanaraq (3:0) Superkuboka yiyələnən Əndəlüsiya klubu 9 illik həsrətə son qoymaq niyyətində idi.

Qarşılıqlı qollarla başlayan qarşılaşmada azarkeşlər qol "yağışı"na şahidlik ediblər. "Sevilya" hesabı açmasına baxmayaraq, "Barselona" dərhal buna qarşılıq verib və ikinci hissənin əvvəlində 4:1 hesabı ilə önə keçib. Lakin təslim olmayan əndəlüsiyalılar möhtəşəm geri dönüş etməyə müvəffəq olublar. Nəticədə 90 dəqiqəlik mübarizə 4:4 hesabı ilə başa çatıb. Bu isə görüşün daha yarım saat uzanmasına səbəb olub.

Əlavə vaxtda Pedro Rodrigesin vurduğu qol dramatik qarşılaşmada "Barselona"ya qələbə qazandırıb. Bununla da, kataloniyalılar bu il İspaniya La Liqası, İspaniya Kral Kuboku və UEFA Çempionlar Liqasından sonra UEFA Superkubokunun da qalibi olub.

Əsas mövzular