CƏMİYYƏT
Cəmiyyətin həyatında baş verən aktual hadisələr

Ermənilər Pənahəli xanın qalasını da, hun irsini də öz adlarına çıxırlar - deputat

© Sputnik / StringerНагорный Карабах, фото из архива
Нагорный Карабах, фото из архива - Sputnik Azərbaycan
Abunə olmaq
"Ağdam rayonu işğal olunandan sonra ermənilər burada qanunsuz qazıntılar apararaq tarixi abidəmizi saxtalaşdırır, onun guya "qədim Tiqranakert" şəhəri olması barədə cəfəng iddialarla çıxış edirlər" - deputat.

BAKI, 13 oktyabr — Sputnik. Ermənilər daha bir tarixi abidəmizi saxtalaşdırıb. Sputnik Azərbaycan-ın məlumatına görə, bu barədə Milli Məclisin deputatı Elnur Allahverdiyev məlumat verib.

O bildirib ki, Ağdamda yerləşən Şahbulaq qalası görkəmli dövlət xadimi Pənahəli xanın Qarabağda tikdiyi ikinci qaladır. Ağdam rayonu işğal olunandan sonra ermənilər burada qanunsuz qazıntılar apararaq tarixi abidəmizi saxtalaşdırır, onun guya "qədim Tiqranakert" şəhəri olması barədə cəfəng iddialarla çıxış edirlər.

"Tiqran eramızdan əvvəl I əsrdə yaşamış parfiyalı çardır və ermənilər onu da özününküləşdirirlər. Şahbulaq qalası isə XVIII əsrin ortalarında tikilib. Yəni ortada 19 əsrlik saxtalaşdırma var", - deyən deputatın sözlərinə görə, ermənilərin şəhər adlarında "kert" sonluğu istifadə olunur.

Elnur Allahverdiyev tarixçi Türkan İlqarın "kert" sonluğunun ermənilərə heç bir aidiyyətinin olmadığı barədə mülahizəsini də bölüşüb. Türkan xanımın yazdığı tarixi mülahizədə isə deyilir: 

"Erməni dilində işlədilən şəhər adlarına fikir verək: Tiqranakert, Arkatiakert, Hunarakert, Stepanakert və s. Əslində "kert" hissəciyi erməni dilində heç bir məna kəsb etmir. Vaxtilə erməni dilçiləri özləri bu sözü fars sözü olan "Kirt" ilə əlaqələndirərək "tikmək" "yaratmaq" "qurmaq" sözlərinin ekvivalenti kimi izah edirdilər. Əslində isə "kert" sonluğu hun mənşəlidir. Bu söz hal-hazırda macar dilində (Kert formasında) və fin–uqor xalqlarının dilində işlənilir (Kart/kort formasında). Mənası – bağ, ərazi deməkdir. Qədim şəhərlərin adlarının sonluğunun belə bir məna ilə bitməsi çox məntiqli görünür. Məsələn, Tiqranakert – Tiqranın bağı /ərazisi, Hunarakert – Hunun bağı /ərazisi. Yeri gəlmişkən, ermənilər Hunarakert sözünün izahına da öz dillərindən çıxış edərək məna verə bilmirlər, yenə də fars dilinin "hūnara" - cəsur /mərd sözü ilə əlaqələndirib mənalandırırlar. Ancaq "hunara" sözü də fars mənşəli söz olmayıb türk mənşəlidir, adından da görünür ki, Hunarakert elə hunlarla bağlı olan toponimdir: Hunarakert=Hun+Ər+Kert, yəni Hun ərinin bağı. "Hünər" sözü də türk mənşəli olub, Hun+Ər birləşməsindən yaranmışdır. İngilis dilində olan Honor/Honour - şərəf, şan–şövkət, şərəfli, qeyrətli sözlərini də bu qəbildən hesab etmək olar".

Xəbər lenti
0