CƏMİYYƏT
Cəmiyyətin həyatında baş verən aktual hadisələr

Oyuncaqla oynayan vaxtlarıdır, amma təhsilə cəlb edilirlər

© Photo : Department of Education for Baku CityMəktəbəhazırlıq qrupu, arxiv şəkli
Məktəbəhazırlıq qrupu, arxiv şəkli - Sputnik Azərbaycan
Abunə olmaq
İyirmi nəfər üçün nəzərdə tutulan qruplarda məşğələlər həftədə 4 dəfə, hər biri 2-2.5 saat olmaqla keçirilir.

BAKI, 22 oktyabr — Sputnik. "İcma əsaslı məktəbəqədər təhsil" pilot layihəsi çərçivəsində hazırda 32 rayon (şəhər) üzrə ümumilikdə 320 icma əsaslı məktəbəqədər təhsil qrupu fəaliyyət göstərir.

Sputnik Azərbaycan Təhsil Nazirliyinin məlumatına istinadla xəbər verir ki, 6197 nəfər 3 və 4 yaşlı uşaq bu qruplarda məktəbəqədər təhsilə cəlb edilib. Layihə çərçivəsində təlimlərdə iştirak etmiş 320 tərbiyəçi bu qruplarda çalışır.

Qeyd edək ki, layihə Təhsil Nazirliyi tərəfindən 2017-ci ildən etibarən həyata keçirilir. Layihə çərçivəsində 2018-ci ildə regionlar üzrə 50 icma əsaslı məktəbəqədər təhsil qrupları yaradılıb. 2019-cu ildə əlavə olaraq 13 icma əsaslı məktəbəqədər təhsil qrupu açılıb. Cari ilin oktyabr ayından isə Təhsil Nazirliyi tərəfindən 257 ümumi təhsil müəssisəsində eyni sayda icma əsaslı məktəbəqədər təhsil qrupları fəaliyyətə başlayıb.

Стенд Московского государственного института международных отношений МГИМО - Sputnik Azərbaycan
SİYASƏT
Azərbaycan Prezidenti oxuduğu məktəbə məktub göndərdi

İcma əsaslı məktəbəqədər təhsil qruplarının yaradılmasında əsas məqsəd məktəbəqədər təhsil müəssisələri ilə əhatə olunmayan yerlərdə 3-4 yaşlı uşaqlara məktəbəqədər təhsil imkanı qazandırmaq, eyni zamanda məktəbəqədər təhsilin keyfiyyətinin yaxşılaşdırılmasında vətəndaş cəmiyyəti nümayəndələri və icma əsaslı qrupların, o cümlədən valideynlərin rolunu artırmaqdır.

Mərkəzlərdə dərslər yerli və eston mütəxəssislərdən ibarət işçi qrup tərəfindən hazırlanmış proqram əsasında aparılır. Proqrama əsasən, məşğələlər zamanı uşaqların 4 inkişaf dinamikası - sosial emosional inkişaf, idrak və ümumi bilik, yaradıcı və fiziki inkişafı izlənilir. İcma əsaslı məktəbəqədər təlimlərdə valideynlər də dərs prosesində yaxından iştirak edir, müəllimlərin köməkçisinə çevrilirlər. 20 nəfər üçün nəzərdə tutulan qruplarda məşğələlər həftədə 4 dəfə, 2-2.5 saat olmaqla keçirilir.

Xəbər lenti
0