ELM

Tələbələr üçün 200 manatlıq təqaüd təsis olundu

© Sputnik / Murad OrujovAzərbaycan İlahiyyat İnstitutunun (Aİİ) fəaliyyətinin ilkin nəticələri ilə bağlı bu gün həmin təhsil ocağında tədbir keçirilir
Azərbaycan İlahiyyat İnstitutunun (Aİİ) fəaliyyətinin ilkin nəticələri ilə bağlı bu gün həmin təhsil ocağında tədbir keçirilir - Sputnik Azərbaycan
Abunə olmaq
Təqaüd qış imtahan sessiyasında fərqlənən tələbəyə fevral-iyul ayları üzrə, yay imtahan sessiyasında fərqlənən tələbəyə isə avqust-yanvar ayları üzrə ödəniləcək

BAKI, 15 fevral — Sputnik. Azərbaycan İlahiyyat İnstitutu (Aİİ) Elmi Şurasının qərarı ilə ümummilli lider Heydər Əliyevin adına 200 manat məbləğində aylıq təqaüd təsis edilib. Bu barədə Sputnik Azərbaycan-a İnstitutun mətbuat xidmətindən məlumat verilib.

Türkiyənin xarici işlər naziri ABŞ-Azərbaycan Ticarət Palatasında azərbaycanlı və türk tələbələri ilə görüşdü - Sputnik Azərbaycan
Çavuşoğlu Vaşinqtonda azərbaycanlı tələbələrlə görüşüb

"Ulu öndər Heydər Əliyevin 1993-cü ildə hakimiyyətə qayıdışından sonra, ölkəmizdə milli-mənəvi dəyərlərimizə münasibətdə yeni mərhələ başlandı. Bu zəngin ənənənin qorunmasına dövlət səviyyəsində böyük qayğı və diqqət göstərilib, qapıları uzun müddət bağlı qalan müqəddəs ibadət ocaqları fəaliyyətini bərpa edib, onların təmiri və inşası geniş vüsət alıb" - deyə məlumatda qeyd olunub.

Aİİ-dən verilən məlumata görə, ümummilli lider Heydər Əliyev, həmçinin elm və təhsil sahəsində köklü və əsaslı dəyişikliklərin həyata keçirilməsini təmin edib: "İstedadlı azərbaycanlı gənclərin müxtəlif xarici ölkələrin tanınmış və nüfuzlu ali təhsil müəssisələrində təhsil almaları üçün səmərəli və məqsədyönlü fəaliyyət göstərib".

"Bu siyasəti müasir dövrümüzdə ulu öndərin layiqli varisi Prezident cənab İlham Əliyev uğurla davam etdirir. İlham Əliyevin 16 noyabr 2018-ci il tarixli Sərəncamı ilə təsdiq edilmiş "2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı" ali təhsil sisteminin yeni və müasir inkişaf istiqamətlərinin, strateji hədəflərinin müəyyən edilməsi baxımından böyük əhəmiyyət daşıyır" - İnstitutdan vurğulanıb.

Sonda qeyd olunub ki, Azərbaycan xalqının ümummilli liderinin ölkədə insan hüquq və azadlıqlarının təmin edilməsində, dinlərarası dialoqun inkişafında, milli-mənəvi dəyərlərin qorunmasında, böyüməkdə olan nəsillərin sağlam ruhda tərbiyəsində, həmçinin bölgədə sülhün və sabitliyin bərqərar edilməsində müstəsna xidmətləri olub: "Bütün bunları nəzərə alaraq, Aİİ Elmi Şurası ümummilli lider Heydər Əliyev adına aylıq təqaüdün təsis edilməsi barədə qərar qəbul edib".

Məlumat üçün bildirilir ki, həmin təqaüd qış imtahan sessiyasında fərqlənən tələbəyə fevral-iyul ayları üzrə, yay imtahan sessiyasında fərqlənən tələbəyə isə avqust-yanvar ayları üzrə ödəniləcək.

Xəbər lenti
0