ELM

Ucqar kəndimizdə böyük uğur: Məzunlar 100 faizlik nəticə qazanıblar

© Sputnik / Musa MuradliBərdə rayon Elşən Məmmədov adına Samux kənd tam orta məktəbində tədris prosesi
Bərdə rayon Elşən Məmmədov adına Samux kənd tam orta məktəbində tədris prosesi - Sputnik Azərbaycan
Abunə olmaq
Kənd məktəbinin məzunlarının hamısı yüksək balla tələbə adını qazanıb

Musa Muradlı, Sputnik Azərbaycan

BAKI, 4 sentyabr — Sputnik. Bərdə rayon mərkəzindən xeyli aralıda yerləşən, Elşən Məmmədov adına Samux kənd tam orta məktəbi böyük uğura imza atıb. Sputnik Azərbaycan-ın bölgə müxbiri xəbər verir ki, paytaxtdan xeyli uzaq olan bu təhsil ocağının builki məzunları qəbul imtahanlarında ürəkaçan nailiyyət qazanıblar.

© Sputnik / Musa MuradliBərdə rayon Elşən Məmmədov adına Samux kənd tam orta məktəbi
Bərdə rayon Elşən Məmmədov adına Samux kənd tam orta məktəbi - Sputnik Azərbaycan
Bərdə rayon Elşən Məmmədov adına Samux kənd tam orta məktəbi

Kənd məktəbi ali təhsil müəssisələrinə qəbul üzrə 100 faizlik nəticə əldə edib. Məktəbi bu il bitirən 11 məzundan 10-u ali məktəblərə keçirilən qəbul imtahanlarında iştirak edərək tələbə adına yiyələniblər. Bir nəfər şagird isə, ümumiyyətlə, keçirilən imtahanlarda iştirak etməyib.

Kənd orta məktəbinin 11-ci sinfini bitirənlər arasında fərqlənmə attestatına layiq görülənlər də var. Dövlət İmtahan Mərkəzinin (DİM) təşkil etdiyi imtahanlarda məzun məktəblilərin 5-i 600-dən, 2-i isə 500-dən yuxarı bal toplayıb.

© Sputnik / Musa MuradliBərdə rayon Təhsil şöbəsinin müdiri Rzaqulu Şərifov
Bərdə rayon Təhsil şöbəsinin müdiri Rzaqulu Şərifov - Sputnik Azərbaycan
Bərdə rayon Təhsil şöbəsinin müdiri Rzaqulu Şərifov

Rayonda məzunların fərəh doğuran bu nailiyyətinə həsr edilmiş tədbir təşkil olunub. Tədbirə qatılan Bərdə Rayon Təhsil Şöbəsinin müdiri Rzaqulu Şərifov kənd məktəbinin qazandığı bu uğuru yüksək qiymətləndirib. O, rayon məktəblərindəki təhsilinin uğurundan danışaraq bildirib ki, bu il rayon üzrə 533 nəfər tələbə adını qazanıb. Onların da əksəriyyəti yüksək bal toplayaraq ali məktəblərə qəbul olublar.

© Sputnik / Musa MuradliBərdə rayon Elşən Məmmədov adına Samux kənd tam orta məktəbi
Bərdə rayon Elşən Məmmədov adına Samux kənd tam orta məktəbi - Sputnik Azərbaycan
Bərdə rayon Elşən Məmmədov adına Samux kənd tam orta məktəbi

Elşən Məmmədov adına Samux kənd tam orta məktəbinin direktoru Rəna Fərzəliyeva isə ən yüksək bal toplayan məzun haqqında danışıb. Qeyd edib ki, sinfin ən yüksək bal toplayan şagirdi Əmikişi Əhmədovdur. 670 bal toplayan tələbə Tibb Universitetinin müalicə işi fakültəsinə qəbul olunub.

© Sputnik / Musa MuradliE. Məmmədov adına Samux Kənd Tam Orta məktəbin direktoru Rəna Fərzəliyeva
E. Məmmədov adına Samux Kənd Tam Orta məktəbin direktoru Rəna Fərzəliyeva - Sputnik Azərbaycan
E. Məmmədov adına Samux Kənd Tam Orta məktəbin direktoru Rəna Fərzəliyeva

Kənd məktəbinin məzunları müxtəlif ali məktəbləri seçim ediblər. Tələbə adını qazanan şagirdlər Tibb Universitetində, Bakı Dövlət Universitetində, Azərbaycan Sənaye Universitetində, Heydər Əliyev adına Hərbi Akademiyada və Xarici Dillər Universitetində ali təhsil alacaqlar.

Qeyd edək ki, Elşən Məmmədov adına Samux Kənd Tam Orta Məktəbi 1956-cı ildən fəaliyyət göstərir. Təhsil müəssisəsində 252 şagird təhsil alır. Təlim və tədrislə məşğul olan müəllimlərin sayı isə 35 nəfərdir.

Xəbər lenti
0