BAKI, 21 aprel — Sputnik. Araşdırmaçılar iddia edir ki, Yer kürəsində insanlar yaşamağa başlamazdan öncə başqa ağıllı məxluqlar yaşayıb.
Bu barədə Sputnik Azərbaycan Rusiya mətbuatına istinadən xəbər verir. Alimlərin fikrincə, əgər bu gün dünyada müxtəlif sivilizasiyalar mövcuddursa, deməli milyon il öncə də fərqli sivilizasiyaların olması mümkün ola bilərdi. Alimlər bu məxluqların qalıqlarının yerin altında qədim süxurlarda qaldığını da təxmin edirlər.
Qeyd edək ki, bu iddia müvafiq geoloji dövrün şərəfinə Siluri adlandırılıb. Bu iddia alimlərin yeni texnologiyalar vasitəsilə fərqli araşdırmalar aparmalarına səbəb olur.
