23:47 21 Oktyabr 2020
Canlı yayım
  • USD1.7000
  • RUB0.0274
  • EUR1.9035
ELM
Qısa URL
29 0 0

Təhsil Naziri UNEC-də tətbiq olunan yeniliklərlə tanış olub

BAKI, 10 oktyabr — Sputnik. UNEC Azərbaycan Respublikası Təhsil Nazirliyinin rəsmi dəstəyi ilə təşkil olunan XI Azərbaycan Beynəlxalq Təhsil ("Education 2017") sərgisində təmsil olunub. UNEC-in mətbuat xidmətindən Sputnik Azərbaycan-a verilən məlumata görə, "İnsan kapitalı sərvətimizdir" devizi altında keçirilən sərgidə UNEC-in rektoru, professor Ədalət Muradov sərgiyə qatılan təhsil naziri Mikayıl Cabbarovu universitetin stendi ilə tanış edərək tətbiq edilən yeniliklərdən danışıb.

XI Azərbaycan Beynəlxalq Təhsil (Education 2017) sərgisində UNEC-in stendi
© Photo : UNEC
XI Azərbaycan Beynəlxalq Təhsil ("Education 2017") sərgisində UNEC-in stendi

Ziyarətçilərin böyük marağına səbəb olan sərgidə onlara UNEC-in ikili diplom və mübadilə proqramları, 4 dildə təhsil, xüsusi və adlı təqaüdləri, İnnovativ Biznes İnkubatoru haqda ətraflı məlumat verilib. Sərgiyə baxış keçirənlər daha çox MBA proqramı, Beynəlxalq Magistratura və Doktorantura Mərkəzi, Beynəlxalq İqtisadiyyat Məktəbi, Distant, qiyabi və əlavə təhsil mərkəzinə qəbulla bağlı suallar ünvanlayıblar.

Üç gün davam edən sərgidə zəngin məlumatları və kreativ dizaynı ilə seçilən UNEC-in stendi "Ən orijinal stend" nominasiyasının qalibi olub.

Qeyd edək ki, sərgidə UNEC-in III kurs tələbəsi, Yaradıcılıq Mərkəzinin üzvü Aslan Əzimzadə mahnı ifa edib. UNEC-in məzunu Ramin Bayramov iştirakçılara "Mənim gələcək peşəm və ona aparan yol" mövzusunda seminar keçib.

Əsas mövzular