Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiyadan Azərbaycana və Ermənistana təyyarə uçuşlarının sayı artırılacaq

© Sputnik / Sergey Pivovarov / Mediabanka keçidСамолет авиакомпании "Азимут", фото из архива
Самолет авиакомпании Азимут, фото из архива - Sputnik Azərbaycan, 1920, 18.06.2021
Abunə olmaq
Rusiya hökumətinin sədr müavini Tatyana Qolikova iyunun 28-dən Rusiyadan Azərbaycana təyyarə uçuşlarının sayının artırılacağını bildirib.

BAKI, 18 iyun - Sputnik. Rusiya Azərbaycana və Ermənistana təyyarə uçuşlarının sayını iyunun 28-dən artıracaq.

Sputnik Azərbaycan xəbər verir ki, bu barədə Rusiya hökumətinin sədr müavini Tatyana Qolikova bildirib.

O qeyd edib ki, iyunun 22-dən Rusiyadan Türkiyəyə də təyyarə uçuşları tam şəkildə bərpa olunacaq.

Qeyd edək ki, Rusiyanın "Azimut" Hava Yolları iyunun 19-dan etibarən Rostov-na-Donu, Krasnodar və Mineralnıye Vodıdan Bakıya müntəzəm uçuşlar həyata keçirməyə başlayacaq.

Bu barədə aviadaşıyıcının rəsmi saytında məlumat verilib. Belə ki, Bakıya Mineralnıye Vodıdan müntəzəm uçuşlar 19 iyun, Krasnodardan isə 26 iyundan etibarən (hər şənbə günü olmaqla) başlanacaq. Rostov-Dondan uçuşlar iyunun 23-dən etibarən yaz-yay mövsümüm sonuna qədər çərşənbə günləri həyata keçiriləcək.

Rostov-Don - Bakı və əks istiqamətdə cədvəl:

Təyyarə saat 09:15-də Rostov-Dondan qalxacaq və 12:20-də Bakıya enəcək. Daha sonra saat 13:20-də isə Bakıdan yola düşəcək və 14:35-də Rostov-na-Donuya eniş edəcək.

Krasnodar - Bakı və əks istiqamətdə cədvəl:

Təyyarə saat 08:10-da Krasnodardan yola düşəcək və 11:10-da Bakıya enəcək. Daha sonra 13:05-də Bakıdan qalxacaq və 13:55-də Krasnodara eniş edəcək.

Mineralnıye Vodi - Bakı və əks istiqamətdə cədvəl:

Təyyarə saat 10:20-də Mineralnıye Vodıdan uçuşa başlayacaq və 13:00-da Bakıya eniş edəcək. Bakıdan isə saat 14:45-də qalxacaq və 15:10-da Mineralnıye Vodıya eniş edəcək.

Qeyd edək ki, biletlər üçün minimum qiymətlər 25 avrodan başlayacaq. Biletlər artıq satışdadır. Cədvəldə saatlar Rusiyanın yerli vaxtı ilə ifadə olunub.

Xəbər lenti
0