19:33 23 İyun 2021
Canlı yayım
  • USD1.7000
  • EUR2.0264
  • RUB0.0233
RUSİYA
Qısa URL
783

Rusiyanın rabitə, informasiya texnologiyaları və kütləvi kommunikasiya sahələrində nəzarətə dair federal xidmətinin apardığı yoxlama maraqlı nəticələri ortaya çıxarıb.

BAKI, 11 iyun — Sputnik. Twitter təxminən 500 qadağan olunmuş statusa girişi başlamayıb, bu barədə "Roskomnadzor"un saytındakı məlumatda deyilir.

"2015-ci ildən platforma tərəfindən altı mindən çox qadağan olunmuş material ləğv olunmayıb. Sosial şəbəkənin trafikinin sürətinin aşağı salınması üzrə tədbirlərin tətbiq olunmasından sonra 490 material pozulmamış qalır. Qadağan olunmuş materialların silinməsi üzrə tələblərin yerinə yetirilməsi üçün orta vaxt 129-dan 8 sutkayadək azalıb", - relizdə deyilir.

Bundan əlavə, qurum aralarında Russia Today, Sputnik, RİA Novosti olan Rusiya KİV və informasiya resurslarının, həmçinin rusiyalı istifadəçilərin və layihələrin ("Rusiya liderləri", "Sputnik V" vaksini və digərləri) senzuraya məruz qalması üzrə 11 hal aşkar edib. Bundan əlavə, şəxsi məlumatların işlənməsi yenə də lokallaşdırılmayıb.

"İnzibati hüquqpozmalara dair on protokol təşkil edilib. Bu günədək məhkəmələr bütün protokollara baxıblar, qadağan olunmuş məlumatın silinməməsinə görə cərimənin ümumi məbləği 27,9 milyon rubldur. Rusia qanunvericiliyinin məlumatların lokallaşdırılması barədə tələblərinə riayət olunmamasına görə cərimə isə dörd milyon rubldur", - məlumatda bildirilir.

Tənzimləyici Facebook/Instagram və Google/YouTube-u da yoxlayıb. İlk halda son 6 ildə 3,7 min (Tələblərin yerinə yetirilməsi orta hesabla 105 günə başa gəlib), ikinci halda isə 5,2 (82 gün) qadağan olunmuş material silinməyib. Müvafiq olaraq 26 və 29 senzura halları aşkarlanıb, şəxsli məlumatların da işlənməsi də lokallaşmayıb.

“Facebook”-a qarşı 13 protokol hazırlanıb və nəzərdən keçirilib, cərimələrin ümumi məbləği 47 milyon rubldur. “Google” qarşı 8 protokol hazırlanıb, onun üçü nəzərdən keçirilib. Hələlik 6 milyon rubl məbləğində iddia təqdim olunub.

Rusiya qanunvericiliyinə əsasən, internet-platformanın administrasiyası gün ərzində şübhəli kontentə girişi məhdudlaşdırmalıdır, əks halda 3-8 milyon rubl həmində cərimə mümkündür. Təkrar pozuntu halında, cərimə şirkətin illik dövriyyəsinin onda biri ilə beşdə biri arasında artır. Yavaşlama və tam trafik məhdudiyyəti də tətbiq oluna bilər.

"Roskomnadzor"dan bildirilib ki, sözügedən təsir tədbirlərinin informasiya suverenliyi və şəffaflıq prinsipinə əsaslanır və ümumiyyətlə "ABŞ da daxil olmaqla bir çox xarici ölkədəki oxşar tənzimləmələrə nisbətən daha tolerantdır".

"Belə ki, ABŞ-da fəaliyyətdə olan Xarici agentlərin qeydiyyatı haqqında qanun (Foreign Agents Registration Act, FARA) hələ 1938-ci ildə faşist təbliğatı ilə mübarizə dalğasında qəbuul olunub, lakin bu gün də qüvvədədir. Onu ifadələrin yayğınlığı fərqləndirir: məsələn, "siyasi" sözü altında FARA-da ABŞ-ın qurumunun və ya vəzifəli şəxsinin işinə təsir göstərəcək istənilən fəaliyyət başa düşülür", - qurumdan bildirlib.

Tənzimləyici ABŞ-da xarici agentlərə qarşı tələbləri Rusiyada olduğundan "daha geniş" adlandırıb: Ədliyyə nazirliyində qeydiyyatdan və maliyyə hesabatlarının verilməsindən əlavə, təşkilatlar öz materiallarını nişanlamalı və öz işlərinin bütün aspektləri barədə məlumatları rəsmilərə təqdim etməlidirlər. 

Bu halda sözügedən Qanunun pozulmasına görə cəza ABŞ-da daha sərtdir. - beş ilədək həbs  və/və ya on min dollaradək cərimə, iş qadağası, əcnəbi vətəndaşlar üçün isə deportasiya (Rusiyada əsasən cərimələr).

2016-cı ildən FARA üzrə təqiblərə Rusiyanın Russia Today kanalı və Sputnik agentliyi məruz qalıb.

Əsas mövzular