04:12 16 Yanvar 2021
Canlı yayım
  • USD1.7000
  • RUB0.0232
  • EUR2.0652
RUSİYA
Qısa URL
27 0 0

Bölgənin səhiyyə komitəsindən bildirilib ki, qəzada üç nəfər ölüb. KİV və Telegram kanallarında onlardan birinin uşaq olduğu deyilsə də, bu, təsdiqini tapmayıb. 

BAKI, 8 yanvar - Sputnik. Rusiyanın Leninqrad vilayətində yüngülmühərrikli təyyarənin yerə çırpılması nəticəsində üç nəfər həlak olub. 

Sputnik Azərbaycan RİA Novosti-yə istinadən bildirir ki, qəza təyyarə Lomonosov rayonundakı "Qostilitsı" aerodromundan qalxandan az sonra baş verib. Hadisə yerinə FHN-in Ми-8 vertolyotu göndərilib.

Bölgənin səhiyyə komitəsindən bildirilib ki, qəzada üç nəfər ölüb. KİV və Telegram kanallarında onlardan birinin uşaq olduğu deyilsə də, bu, təsdiqini tapmayıb. 

FHN-in məlumatına görə, ölənlərdən biri qadındır. 

İlkin məlumata görə, yerli vaxtla 13:38-də göyərtəsində yalnız pilotun olduğu Cessna-150 təyyarəsi havaya qalxıb. Bir dəqiqə sonra ardınca digər təyyarə - Piper-28 - havalanıb. Onun göyərtəsində üç nəfər: pilot və iki sərnişin olub. 13:40-da hər iki təyyarə səmada toqquşub. 

Cessna yüngül zədələr alaraq eniş edə bilib, pilotu da salamatdır.

Leninqrad-Finlyand nəqliyyat prokurorluğu hadisə ilə bağlı araşdırma aparır. 

Teqlər:
Rusiya, qəza, təyyarə

Əsas mövzular