BAKI, 8 yanvar — Sputnik. Rusiyada sərxoş sürücü dostunu VAZ avtomobilinin baqajının üstünə bağlayaraq avtomobili sürdüyü üçün onun ölümünə səbəb olub.
Sputnik Azərbaycan Rusiya mətbuatına istinadla xəbər verir ki, hazırda hadisənin təfərrüatları polis tərəfindən araşdırılır.
Hadisə zamanı 28 yaşlı kişi aldığı xəsarətlərdən dünyasını dəyişib. Baş vermiş ölüm faktı ilə bağlı araşdırma aparılır.
Hadisə yanvarın 6-da Leninqradın Tosnenski rayonunun İsakovo kəndində baş verib. Polisin verdiyi məlumata görə, hadisə 1993-cü il təvəllüdlü sərxoş şəxs tərəfindən törədilib. Avtomobil sağa dönən zaman baqajın üstündəki şəxs digər VAZ avtomobilinin təkərləri altına qalaraq ölüb.
Araşdırma zamanı müəyyən edilib ki, qəzaya səbəb olan sürücü avtomobilini sürücülük vəsiqəsi olmadan idarə edirmiş.
