16:23 20 Yanvar 2021
Canlı yayım
  • USD1.7000
  • RUB0.0230
  • EUR2.0562
RUSİYA
Qısa URL
20111

Belə ki, söhbət ekstradisiya edilə bilməyən xarici vətəndaşlardan getdiyi üçün Rusiya tərəfi istintaq materiallarını həmin şəxlərin məsuliyyətə cəlb edilməsi üçün Bakıya göndərəcək.

BAKI, 5 yanvar — Sputnik. Rusiya hərbi müstəntiqləri azərbaycanlı həmkarlarına Ermənistan və Azərbaycan sərhədində Mi-24 hərbi helikopterinin vurulması ilə bağlı cinayət işinin istintaqı üçün müraciət edib.

Sputnik Azərbaycan Rusiya mətbuatına istinadla xəbər verir ki, işin istintaqı zamanı bir sıra istintaq hərəkətlərinin aparılması zərurəti yaranıb.

"Şübhəlinin şəxsiyyətinin, habelə bu hadisənin bəzi hallarının dəqiqləşdirilməsi zərurəti yaranıb. Bununla əlaqədar beynəlxalq hüquq yardım üçün Azərbaycana müraciət göndərilib", -  deyə bildirilb.

Qeyd edilib ki, yalnız müvafiq materialları aldıqdan sonra rus hərbi pilotlarına ödənişin verilməsi məsələsi həll edilə bilər.

Belə ki, söhbət ekstradisiya edilə bilməyən xarici vətəndaşlardan getdiyi üçün Rusiya tərəfi istintaq materiallarını həmin şəxlərin məsuliyyətə cəlb edilməsi üçün Bakıya göndərəcək.

Hazırda Rusiya İstintaq Komitəsinin hərbi müstəntiqləri tərəfindən Rusiya Federasiyasının Cinayət Məcəlləsinin ömürlük azadlıqdan məhrum etmə cəzasına qədər nəzərdə tutulan "İki və ya daha çox şəxsi qəsdən öldürmə" maddəsi ilə cinayət işi qaldırılıb.

İstintaq müddətinin daha iki ay uzadılacağı gözlənilir.

Xatırladaq ki, Mİ-24 noyabrın 9-da Ermənistanın hava sahəsində vurulub. Hadisə zamanı iki nəfər ölüb, bir nəfər yaralanıb.

Əsas mövzular