BAKI, 28 dekabr — Sputnik. Bir qədər bundan əvvəl Rusiyanın Sokolov adına Şimal-Qərb Regional Elmi və Klinik Mərkəzinə yerləşdirilən SSRİ Xalq artisti Alisa Freyndlixin vəziyyəti ağırlaşdığından onu reanimasiya şöbəsinə köçürüblər. Sputnik Azərbaycan-ın "RIA Novosti"yə istinadla verdiyi xəbərə görə, aktrisaya COVID-19 və sətəlcəm diaqnozu qoyulub. Hazırda o, ağciyərlərin qeyri-invaziv ventilyasiya aparatına qoşulub.
Qeyd edək ki, Alisa Freyndlix "İşdə məhəbbət macərası", "Stalker", "DArtanyan və üç muşketyor", "Həsir şlyapa", "Amansız romans" və digər filmlərdə maraqlı obrazlar yaradıb.
