BAKI, 4 sentyabr — Sputnik. Rusiya Müdafiə naziri Sergey Şoyqu Şanxay Əməkdaşlıq Təşkilatı (ŞƏT), Müstəqil Dövlətlər Birliyi (MDB) və Kollektiv Təhlükəsizlik Müqaviləsi təşkilatına (KTMT) üzv olmayan ölkələrin bioloji silah yaratdığını elan edib və bu təhdidlərlə bağlı qərarların verilməsinin vacibliyini qeyd edib. Bu barədə Sputnik Azərbaycan "RİA Novosti"-yə istinadən xəbər verir.
"Qeyri-regional ölkələrin hərbi-bioloji fəaliyyət də daxil olmaqla, bioloji təhlükə təhdidlərinə qarşı cavab vermə potensialı yaratmaq və qarşılıqlı yardımın göstərilməsi ilə bağlı mümkün tədbirləri müzakirə etdik", - deyə Şoyqu qeyd edib.
O əlavə edib ki, iclasda iştirak edən nazirlər həmçinin koronavirusun yayılmasının nəticələrinin aradan qaldırılması təcrübəsi ilə bağlı fikir mübadiləsi aparıblar.
