BAKI, 7 avqust — Sputnik. Rusiyada hüquq mühafizə orqanları terror aktı planlaşdırılan iki yaraqlını məhv edib. Sputnik Azərbaycan "RİA Novosti"-yə istinadən xəbər verir ki, anti-terror əməliyyatı İnquşetiya Respublikasında keçirilib.
Əməliyyat zamanı daha bir nəfər isə saxlanılıb.
Ötən gün hüquq mühafizə orqanlarına yaraqlıların Nazran şəhərində və Maqlobek rayonunun Saqopşi kəndində şəxsi evlərdən birində gizlənikləri barədə məlumat daxil olub. Güc strukturları bu evlərə bitişik evləri də mühasirəyə alıb. Yaraqlılara silahı yerə qoymaq və hökumətə təslim olmaq təklif olunub.
"Buna cavab olaraq onlar hüquq mühafizə orqanları əməkdaşları atəş açıblar. Qısa atışma zamanı iki cinayətkar zərərsizləşdirilib, bir nəfər saxlanılıb", - deyə Rusiya Anti-Terror Komitəsinin yaydığı məlumatda bildirilir.
Hadisə yerində silah, yaraqlılar və partlayıcı qurğular tapılıb. Hüquq mühafizə orqanlarının əməkdaşları və vətəndaşlar arasında xəsarət alan yoxdur.
