Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

Rusiya xarici turistlərin yoxluğundan dəymiş zərəri açıqlayıb

© Sputnik / Ilya Pitalev / Mediabanka keçidТуристы на Красной площади в Москве.
Туристы на Красной площади в Москве. - Sputnik Azərbaycan
Abunə olmaq
Ötən ilin yekunlarında turizm ölkəyə 10,9 milyard dollar gətirib. Bu, silahların, bir sıra əlvan metalların və taxtanın ixracından gələn gəlirlərlə müqayisə edilə bilər.

BAKI, 6 avqust — Sputnik. Rusiyanın Federal Turizm Agentliyinin (Rosturizm) rəhbəri Zarina Doquzova pandemiya fonunda sərhədlərin bağlanması və xarici turist axınının olmaması nəticəsində Rusiyanın üzləşdiyi zərərlərdən danışıb.

Sputnik Azərbaycan "Arqumentı i Faktı" nəşrinə istinadən xəbər verir ki, Doquzova ötən ilin yekunlarında turizmin ölkəyə 10,9 milyard dollar gətirdiyini bildirib. Bu, silahların, bir sıra əlvan metalların və taxtanın ixracından gələn gəlirlərlə müqayisə edilə bilər.

"Hesablamalara görə, itkilər təxminən 500 milyard rubl (6,7 milyard dollar) təşkil edib", — Doquzova bildirib.

O qeyd edib ki, Rusiya regionları 2021-ci il yanvarın 1-dən 53 ölkədən turistlər üçün tətbiq ediləcək elektron vizanın sayəsində zərəri qismən qarşılaya biləcək.

Koronavirus pandemiyasına görə, Rusiya martın 27-dən digər ölkələrlə müntəzəm və çarter hava əlaqəsini dayandırıb. Yalnız rusiyalıların xaricdən və xaricilərin Rusiyadan çıxarılması, eləcə də yük, poçt, sanitar və bir sıra digər reyslər istisna təşkil edib.

Xəbər lenti
0