18:33 09 İyul 2020
Canlı yayım
  • USD1.7000
  • RUB0.0274
  • EUR1.9035
RUSİYA
Qısa URL
6411

Dağıstanda qalmalı olan Azərbaycan vətəndaşları ötən gecə əsl qiyam qaldırıblar. Hadisə yerinə gələn polis əməkdaşları yerli əhali ilə birgə onları sakitləşdirməyə çalışıblar

BAKI, 16 iyun — Sputnik. Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Rusiya-Azərbaycan sərhədində baş vermiş hadisəyə münasibət bildirib.

Sputnik Azərbaycan AZƏRTAC-a istinadən xəbər verir ki, Hikmət Hacıyev deyib: "Azərbaycan Respublikası və Rusiya Federasiyası arasında dövlət sərhədinin Dağıstan istiqamətində Məhərrəmkənd rayonu, Kullar postunda baş vermiş hadisə ilə bağlı təəssüfümüzü bildiririk. Ümumiyyətlə, COVID-19 qlobal pandemiyası səbəbindən 2020-ci ilin mart ayının ortalarından etibarən ölkəmizin quru sərhədləri və xüsusi çarter reysləri vasitəsilə 20 min nəfərdən artıq Azərbaycan Respublikası vətəndaşının ölkəmizə geri qayıdışı təmin edilib.

Ночной бунт: что происходило на азербайджано-российской границе
YouTube / Kanal 32/ Instagram /_OBUV_LUXE_NAZAKAZ

2020-ci ilin mart ayının sonu, aprel ayının əvvəlindən etibarən Azərbaycan Respublikası və Rusiya Federasiyası arasında "Samur" sərhəd buraxılış məntəqəsi və beynəlxalq hava limanları vasitəsilə 2976 nəfər Azərbaycan Respublikası vətəndaşının Rusiyadan ölkəmizə geri qayıdışı təmin olunub.

Rusiya Federasiyası ərazisində olan Azərbaycan Respublikası vətəndaşlarının ölkəmizdəki xüsusi karantin rejiminin tələblərinə uyğun olaraq xüsusi vaxt qrafiki çərçivəsində və qeydiyyat əsasında ölkəmizə geri qayıdışının təmin edilməsi üçün "Evə gedirəm" adlı portal yaradılıb.

Azərbaycan Respublikası və Rusiya Federasiyasının aidiyyəti dövlət qurumları tərəfindən qarşılıqlı əlaqələndirmə şəklində vətəndaşların həftəlik əsasda müəyyən olunmuş qrafik çərçivəsində ölkəmizə geri qayıdışı təmin olunur. Həftəlik qrafik çərçivəsində 19 mayda 120 nəfər, 26 mayda 131 nəfər, 2 iyunda 122 nəfər, 9 iyunda 130 nəfər vətəndaş "Samur" sərhəd buraxılış məntəqəsindən ölkəmizin ərazisinə keçib. Bu qrafik üzrə bu gün 150 nəfərdən artıq vətəndaşın ölkəyə keçməsi təmin olunacaq. Həmçinin bu həftə "Evə gedirəm" portalı vasitəsilə qeydiyyata düşmüş vətəndaşların Bakı-Moskva-Bakı çarter reysi ilə geri qaytarılması da nəzərdə tutulub.

Vətəndaşların ölkəyə geri dönməsi zamanı, ilk növbədə, üstünlük yaşlılara, xəstələrə, qadınlara və uşaqlara, ailələrə verilir və Azərbaycanda karantin üçün ayrılmış məntəqələrin qəbuletmə imkanları nəzərə alınır. “Samur” sərhəd keçid məntəqəsi ətrafına toplaşan vətəndaşlarımız müəyyən edilmiş qaydalara riayət etməli, növbəlilik prinsiplərini pozmamalı və aidiyyəti dövlət qurumlarının öz fəaliyyətlərini həyata keçirmələrinə mane olmamalıdırlar. Mövcud durumda vətəndaşlarımızı anlayış göstərməyə çağırırıq".

Xatırladaq ki, Dağıstanda qalmalı olan Azərbaycan vətəndaşları ötən gecə əsl qiyam qaldırıblar. Hadisə yerinə gələn polis əməkdaşları yerli əhali ilə birgə onları sakitləşdirməyə çalışıblar. 

Son məlumata görə, azərbaycanlıların qalmağa davam etdiyi Dağıstan düşərgəsində vəziyyət artıq normaldır. Bunu həm də Dərbənd rayon başçısının vəzifəsini icra edən Fuad Şıxıyev təsdiqləyib.

Əlaqədar

Dağıstanda 40-dan çox həkim öldü
Mənzil, ərzaq və siqaret – hakimiyyət və fəallar sərhəddə azərbaycanlılara kömək ediblər
COVID-in əsirliyində: Dərbənddəki azərbaycanlılar aclıq aksiyası keçirirlər
Koronavirus Rusiya-Azərbaycan münasibətlərinə necə təsir etdi – Rusiya səfiri

Əsas mövzular