BAKI, 11 may - Sputnik. Rusiyada COVID-19-dan ölüm orta hesabla dünyadakı göstəricidən 7,4 dəfə aşağıdır. Sputnik Azərbaycan RİA Novosti-yə istinadən xəbər verir ki, bu barədə RF baş nazirinin müavini Tatyana Qolikova məlumat verib.
"Həmçinin mən qeyd etmək istərdim ki, yoluxmaların strukturunda pnevmoniyaların çəkisinin 25-dən 20%-ə düşməsi, xəstələnmə tarixindən hospitalizasiyaya qədər olan dövrün praktiki olaraq 9 dəfə qısaldılması, həmçinin artım templərinin 2,6 dəfə azaldılması Rusiya Federasiyasında ölüm göstəricisinin xeyli aşağı olmasını təmin edib. Bu gün bu göstəricilər dünya üzrə olan rəqəmlərdən ümumilikdə 7,4 dəfə aşağıdır", - deyə Qolikova Rusiyada sanitar-epidemioloji vəziyyətə həsr olunmuş müşavirədə bildirib.
O, qeyd edib ki, bununla sakitləşmək lazım deyil, əksinə, bu göstəricilərin daha da aşağı düşməsinə çalışmaq lazımdır.
