BAKI, 29 mart — Sputnik, Kəmalə Əliyeva. Azərbaycanın Xalq artisti Emin Ağalarov öz tərəfdaşları ilə birlikdə "Dobrodomik" kafesində “Dobrodostavka” (Xeyirxah çatdırma) aksiyasına start verib. Sputnik Azərbaycan-ın məlumatına görə, aksiya çərçivəsində Moskvada yaşayan bütün ehtiyacı olan yaşlı vətəndaşlara pulsuz ərzaq çatdırılacaq.
Koronavirusun (COVİD-19) yayılması səbəbindən restoranın işi müvəqqəti olaraq dayandırılıb. Emin və onun komandası yaranmış vəziyyətdən çıxış yolu tapıblar. Könüllülər bütün ehtiyacı olan yaşlı insanlara pulsuz ərzaq məhsulları çatdırırlar.
Посмотреть эту публикацию в Instagram
Bundan başqa, restoranın "Instagram" sosial şəbəkəsindəki səhifəsində Moskvadakı "Dobrodomik"in analoqunun tezliklə Rusiyanın bir çox şəhərlərində, həmçinin Bakıda açılacağı haqqında məlumat yerləşdirilib.
Emin Ağalarov “World Music Awards”, "Ən yaxşı azərbaycanlı ifaçı”, "Qızıl qrammafon”, "MUZ-TV mükafatı" və bir sıra digər beynəlxalq mükafatların laureatıdır. O, həmçinin 2016-cı ildən başlayaraq Bakıda keçirilən "Jara" Beynəlxalq Musiqi Festivalının təsisçilərindən biridir. Onun Rusiyanın Əməkdar artisti Qriqori Leps və "Russkoye radio"nun və "Zolotoy qrammofon" mükafatının əsasını qoyan Sergey Kojevnikovla birlikdə ərsəyə gətirdiyi bu layihədə Azərbaycan, Rusiya, Ukrayna, İtaliya, Amerika və digər ölkələrdən populyar estrada ulduzları çıxış edirlər.
