Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

Həmyaşıdlar arasında mübahisə ölümə səbəb oldu

© Sputnik / Evgeniy Zemtsov / Mediabanka keçidRusiya yol polisi əməkdaşları atışma baş verən Blaqoveşensk şəhəri Tikinti kollecinin binasının yaxınlığında
Rusiya yol polisi əməkdaşları atışma baş verən Blaqoveşensk şəhəri Tikinti kollecinin binasının yaxınlığında - Sputnik Azərbaycan
Abunə olmaq
Tikinti kollecində təhsil alan tələbə mübahisə nəticəsində həmyaşıdlarını ov tüfəngi ilə atəşə tutub, axırda da öz canına qəsd edib.

BAKI, 14 noyabr — Sputnik. Rusiyanın Amur vilayətinin Blaqoveşensk şəhərində tikinti kollecində baş verən atışma nəticəsində iki nəfər ölüb, üç nəfər isə yaralanıb.

Sputnik Azərbaycan-ın məlumatına görə, bu barədə xəbəri Daxili İşlər Nazirliyinin Amur vilayəti üzrə İdarəsi verib.

Təcili tibbi yardım avtomobili, arxiv şəkli - Sputnik Azərbaycan
HADİSƏ
Əvvəl döydü, sonra üstündən at arabası ilə keçdi – Ağdamda qətl

Bu gün səhər saatlarında şəhərin Şevçenko və Krasnoarmeysk küçələrində keşik çəkən Rusiya Dövlət Avtomobil Müəfttişliyinin Yol Patrul Xidmətinə bir cavan oğlan qaçaraq xəbər verib ki, yaxınlıqdakı kollecdə naməlum şəxs atəş açıb.

Hadisə yerinə gələn polis ikinci mərtəbədə vir cavanın silahlı olduğunu görüb. O, bir neçə dəfə polislərin olduğu istiqamətə atəş açıb və cavab atəşi alıb. Auditoriyalardan birinin qapısı polisin köməyilə qorunub və bu zaman Daxili İşlər Nazirliyinin əməkdaşları kollecin tələbə və müəllimlərinin çıxmasını təmin ediblər.

"Hadisə yerində iki cavanın meyiti tapılıb, onlardan biri atəş açan şəxsə məxsusdur", - polisdən bildirilib.

Atışmanı törədən şəxs intihar edib. Polislər arasında xəsarət alan olmayıb. Hazırda hadisə yerində istintaq-əməliyyat qrupu işləyir.

Rusiya İstintaq Komitəsinin məlumatına görə, atəşi kollecin 19 yaşlı tələbəsi öz adında qeydiyyatda olan ov tüfəngi ilə açıb. Öldürülən ikinci şəxs onun yaşıdıdır. Bundan başqa 17, 19 və 20 yaşlı üç gənc yaralanıb. Onlar hazırda çoxsaylı güllə yaraları ilə xəstəxanaya yerləşdiriliblər, birinin üzərində əməliyyat aparılıb, vəziyyəti ağırdır.

Народный писатель Казахстана Олжас Сулейманов встретился с бакинскими читателями в Бакинском книжном центре  - Sputnik Azərbaycan
MƏDƏNİYYƏT
Qətl günü rastına çıxan ilk maşına oturub Bakıya uçmaq üçün hava limanına tələsən adam

Faktla bağlı "İki nəfərin xuliqanlıq zəminində öldürülməsi" maddəsi ilə cinayət işi açılıb.

Şəhər meriyası təhsil müəssisələri ərazisində təhlükəsizliyin təmin edilməsi tədbirlərinin görülməsi məqsədilə təcili komissiyanın iclasını çağırıb. Hadisə yerinə Blaqoveşensk administrasiyasının nümayəndələri gəlib.

Vilayətin qubernatoru Vasili Orlov atəş açan şəxsin bir nəfər olduğunu bildirib. O, ölənlərin doğmalarına başsağlığı verib və zərərçəkənlərə hər cür zəruri köməkliyin göstəriləcəyini deyib.

İlkin məlumatlara görə, silahlı münaqişəyə səbəb həmyaşıdlar arasında yaranmış mübahisə olub. Bu barədə informasiyanı tikinti kollecinin qonşuluğunda yerləşən aqrar kollecin tələbəsi bölüşüb. Birinci kurs tələbəsi Kirillin sözlərinə görə, atəş açan tələbə digər tələbə yoldaşlarının təhqirlərinə məruz qalıb.

"Qrupda onu alçaldıblar, nalayiq sözlərlə təhqir ediblər. O, atəş açmağa küçədə başlayıb", - deyə atəş açan şəxslə tanışlığı olan tələbə agentliyə bildirib.

Руководитель центра по противодействию экстремизму по Ингушетии Ибрагим Эльджаркиев - Sputnik Azərbaycan
RUSİYA
Sifarişli qətl: İnquşetiyanın ekstremizmlə mübarizə mərkəzinin rəhbəri öldürüldü – VİDEO

O əlavə edib ki, atəş açılmağa başlayandan qonşu binadakı aqrar kollecin tələbələri evakuasiya edilib.

Son illərdə tələbələrin öz həmyaşıdlarına və pedaqoqlara silahla atəş açması halları artıb. 2018-ci ildə Rusiyada bu qəbildən olan insidentlər Perm, Sterlitamak, Ulan-Ude, Volsk və Saratov şəhərlərində baş verib. Bunların içində ən çoxsaylı qurban Kerçdə baş verən silahlı hücum zamanı qeydə alınıb. Bir il əvvəl dördüncü kurs tələbəsi Vladislav Roslyakov ətrafdakılara atəş açıb və bomba partladıb. Nəticədə 21 nəfər ölüb, 67 nəfər yaralanıb.

https://ria.ru/20191114/1560910112.html

Xəbər lenti
0