BAKI, 16 yanvar — Sputnik. Serbiyanın Novi-Pazar şəhərində Rusiya prezident Valdimir Putinə Belqrada səfəri zamanı sui-qəsd hazırlaması ehtimal edilən şəxs saxlanılıb. Sputnik Azərbaycan xəbər verir ki, bu barədə "Maskovski Kamsomolets" qəzeti Serbiyanın "İnformer" nəşrinə istinadən məlumat verir.
Rusiya prezidentinin Serbiyaya yanvarın 17-i gedəcəyi bildirilir. Məlumata əsasən, sui-qəsdi 21 yaşlı Armin Alibaşiç törətməli imiş. O, özünü İŞİD terror təşkilatının tərəfdarı kimi təqdim edib.
Gənc oğlanın çantası hüquq-mühafizə orqanları əməkdaşlarının diqqətini çəkib. Serbiya polisinin əməkdaşları Arminin evində axtarışlar aparıb və orada silah arsenalı aşkarlayıblar. Bundan əlavə, Onun evində partlayıcı qurğunu hazırlamaq üçün komponentlər, həmçinin İŞİD-in simvolları aşkarlanıb.
