Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

Rusiya ildırımsürətli hücuma başladı, müxaliflərin son qalası bombalanır

© REUTERS / Osman Orsal/File PhotoSuriye'nin İdlib vilayetinin Atameh kasabasını Türkiye sınırından bir duvar ayırıyor.
Suriye'nin İdlib vilayetinin Atameh kasabasını Türkiye sınırından bir duvar ayırıyor. - Sputnik Azərbaycan
Abunə olmaq
Hava hücumlarında ölən və ya yaralananların olub-olmadığına dair, hələlik bir məlumat yoxdur

BAKI, 4 sentyabr — Sputnik. Rusiya qırıcıları Suriyanın İdlib bölgəsini bombalamağa başlayıb. Sputnik Azərbaycan xarici mətbuata istinadla xəbər verir ki, rus döyüş təyyarələri 22 günün ardından İdlibə hava hücumları təşkil etməyə başlayıb.

İblid - Sputnik Azərbaycan
Türkiyə tankları hücum və əks-hücum hazırlıqlarına başlayıb, sərhədə axın var

Hava hücumlarında ölən və ya yaralananların olub-olmadığına dair, hələlik bir məlumat yoxdur. Rusiya İdlib bölgəsinə əməliyyat hazırlığı aparan Bəşər Əsədə dəstək verir.

İdlib məsələsi sentyabrın 7-də Tehranda İran, Rusiya və Türkiyə liderləri arasında keçiriləcək sammitdə də müzakirə ediləcək. Müxaliflərin son qalası olan İdlib və ətrafında 3.5 milyon əhali yaşayır. BMT İdlibə ehtimal olunan bir əməliyyat nəticəsində 250-700 min insanın köç edə biləcəyi xəbərdarlığını edib.

Bu arada Suriya rejiminə bağlı ordu birləşmələrinin İdlibə qarşı mümkün hərbi əməliyyatına qarşı Türkiyə Silahlı Qüvvələri (TSQ) sərhəddə mövqelərini gücləndirib. Sputnik Azərbaycan "Haber7"-yə istinadla xəbər verir ki, Türkiyə Silahlı Qüvvələri Hatay bölgəsinə intensiv şəkildə şəxsi heyət və zirehli texnika yığır.

Eyni zamanda bölgəyə göndərilən tankların sayında da artım var. Bunların arasında modernləşdirilmiş "M-60" tanklarının olması diqqət çəkir.

TSQ digər kəşfiyyat və təhlükəsizlik qüvvələri ilə birgə İdlibdən köç dalğasının qarşısını alacaq. Bunun üçün çalışmalar davam edir. TSQ-nin İdlibin ətrafında 12 ayrı-ayrı müşahidə məntəqəsi mövcuddur. Həmin müşahidə məntəqələrinin təhlükəsizliyi gücləndirilib.

Bundan əlavə, Türkiyəyə sığınmağa çalışan miqrantlara qarşı radikal ekstremistlər və ya rejim qüvvələrinin hər hansı həmləsi baş verərsə, TSQ dərhal miqrantların müdafiəsinə qalxacaq.

Qeyd edək ki, İdlibdə ciddi toqquşma təhlükəsi hökm sürür. Diplomatik mənbələrdən sızan məlumatlara görə, Bəşər Əsəd rejiminin qoşunları İdlibin cənubunda hərbi hazırlıqlara başlayıb.

Xəbər lenti
0