BAKI, 11 aprel — Sputnik. Sankt-Peterburq Mərkəzi məscidində döyülən gözətçi ölüb. Sputnik Azərbaycan Rusiya mətbuatına istinadla xəbər verir ki, bu barədə Rusiya İstintaq Komitəsinin şəhər üzrə Baş idarəsinin mətbuat xidmətindən məlumat verilib.
Bildirilib ki, Sankt-Peterburqda məsciddə döyülmüş yaşlı kişi ağır yaralanmadan ölüb. Məlumata görə, şübhəli həbs olunaraq psixiatriya klinikasına aparılıb.
Daha əvvəl isə məlumat verilmişdi ki, Kronverksk prospektində yerləşən məsciddə 20 yaşlı gənc 1974-ci il təvəllüdlü gözətçini vəhşicəsinə döyüb. Şəxslər arasında baş verən mübahisənin səbəbləri araşdırılır.
Hadisə ilə bağlı "Qəsdən sağlamlığa zərər vurma, ehtiyatsızlıqdan zəzərçəkmişin ölümünə səbəb olma" maddəsi ilə cinayət işi açılıb.
