BAKI, 10 aprel — Sputnik. Rusiyanın Anqarsk şəhərində avtobus ayağı qapının arasında qalmış təqaüdçünü yerlə sürüyüb. Qadın xəstəxanaya düşüb, hadisə ilə istintaq orqanları məşğul olur.
Sputnik Azərbaycan-ın məlumatına görə, insident şəhərin Çaykovski küçəsində baş verib. Qadın tələsmədən avtobusdan düşəndə ayağının biri asfalta dəyən kimi avtobusun qapıları bağlanır. Bunun ardınca isə avtobus hərəkət etməyə başlayır. Ayağı qapı arasında qalan qadın yıxılır, avtobus isə onu asfaltla bir qədər sürüyəndən sonra dayanır.
Qadın çoxsaylı zədələrlə xəstəxanaya çatdırılıb. Sürücü isə prokurorluqda ifadə verir.
