BAKI, 29 yanvar — Sputnik. Rusiya prezidenti Vladimir Putin bu gün paytaxt Moskvada İsrailin baş naziri Benyamin Netanyahunu qəbul edəcək. Görüşdə ikitərəfli əlaqələr, Qüds məsələsi, Suriya problemi və digər mövzular müzakirə ediləcək.
Sputnik xəbər verir ki, liderlər 2015-ci ilin sentyabrından etibarən artıq 7-ci dəfədir bir araya gəlirlər. Putin-Netanyahu görüşünün Soçidə Suriya böhranının tənzimlənməsi üzrə Milli Dialoq Konqresi ilə eyni günə düşməsi diqqət çəkib.
Rusiya prezidentinin mətbuat katibi Dmitri Peskov Soçidəki zirvədə Putinin iştirak etməyəcəyini bildirib.
