Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

Rusiyanın gəmisi batdı

© REUTERS / Mandatory credit KyodoМощный ветер и дождь в Японии
Мощный ветер и дождь в Японии - Sputnik Azərbaycan
Abunə olmaq
Hadisə zamanı gəmidə 19 ekipaj üzvü olub

BAKI, 23 oktyabr — Sputnik. Güclü külək, Rusiyaya aid olan quru yük gəmisini, heyətlə birlikdə Yaponiya sahillərinə çırpıb. Sputnik Azərbaycan Rusiya mətbuatına istinadla xəbər verir ki, hadisə Honsyu adasında yerləşən Fusiki-Toyama limanında baş verib.

Gəminin tutumu 1798 ton təşkil edir. Hadisə zamanı gəmidə 19 ekipaj üzvü olub. Onlardan heç biri xəsarət almayıb. 18 nəfər özü sahilə çıxıb, bir nəfər xilasedicilər tərəfindən xilas edilib. Gəmi isə batıb.

Bildirilir ki, gəmi adadan Rusiyaya doğru oktyabrın 27–də yol almalıymış. Hazırda adada "Lan" tayfunu davam edir, güclü yağışlar yağır. Ayrı-ayrı ərazilərdə tayfun zamanı küləyin sürəti saatda 198 kilometrə çatıb.

​Yapon hökuməti artıq Fukusima prefekturasında 81 mindən çox sakini çıxarmaq qərarı verib. Əhalinin təhlükəli sahələri tərk etməsi tövsiyə edilir və daşqından əvvəl ərazidən çıxa bilməyənlərə evlərinin damında kömək gözləmək məsləhət görülür.

Xilasedici dəstələr qayıqlarla selin başladığı ərazilərə yönəldilib. Ərazi sakinləri helikopterlərlə ərazidən çıxarılır.

Xatırladaq ki, son məlumatlara görə, "Lan" tayfunu iki nəfərin ölümünə, 86 nəfərin xəsarət almasına səbəb olub.

Xəbər lenti
0