Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

Vladimir Putin Çin lideri ilə belə zarafatlaşdı

© Sputnik / Aleksey Nikolskyi / Mediabanka keçidRussian President Vladimir Putin and Xi Jinping, President of the People's Republic of China (PRC), at a meeting in Astana
Russian President Vladimir Putin and Xi Jinping, President of the People's Republic of China (PRC), at a meeting in Astana - Sputnik Azərbaycan
Abunə olmaq
Vladimir Putin görüş masası arxasında oturan Si Tszinpini "Tənha döyüşçü" adlandırıb

BAKI, 8 iyun — Sputnik. Rusiya prezidenti Vladimir Putin nümayəndə heyəti görüşə gecikən Çin Xalq Respublikasının sədri Si Tszinpini yumorla qarşılayıb.

Sputnik Azərbaycan-ın məlumatına görə, bu barədə kadrı "Komsomolskaya pravda" qəzetinin müxbiri Dmitri Smirnov öz Twitter səhifəsində paylaşıb.

Putin Çin nümayəndə heyətinin gecikməsi səbəbindən görüş masası arxasında tək oturmalı olan Si Tszinpini "Tənha döyüşçü" adlandıraraq gülüb. Qeyd edək ki, Putin bununla eyni adlı Çin filminə işarə edib.

Xatırladaq ki, mayın 3-də Türkiyə prezidenti ilə danışıqlara başlamazdan əvvəl Rusiya lideri Türkiyə nümayəndə heyətinin protokol tədbirə gecikən nümayəndəsinə eyhamla Rəcəb Tayyib Ərdoğandan zarafatla soruşmuşdu ki, "nədir, səninkilər işləmək istəmir?"

Rusiya prezidentinin özünün də bəzən tədbirlərə gecikmək şakəri var.

O, ötən ilin dekabrında Yaponiyaya bu ölkənin baş naziri Sindzo Abe ilə görüşə planlaşdırıldığı vaxtdan iki saat gec çatmışdı. Rusiya prezidentinin mətbuat katibi Dmitri Peskov bunu dövlət başçısının iş qrafiki ilə əlaqələndirmişdi.

2015-ci ilin 10 iyununda isə Putin Roma Papası Fransiskin görüşünə bir saat gecikmişdi. Kremldə bu gecikməni İtaliya paytaxtının yollarındakı tıxacla izah etmişdilər.

Xəbər lenti
0