BAKI, 21 aprel — Sputnik. Rusiyanın Xabarovsk vilayətində Federal Təhlükəsizlik Xidmətinin (FTX) binasına silahlı hücum olub. Sputnik Azərbaycan RİA Novosti-yə istinadla xəbər verir ki, hücum nəticəsində 2 nəfər ölüb, 1 nəfər isə yaralanıb.
— Den Smit (@mr_dns) 21 апреля 2017 г.
Ölənlərdən biri FTX-nin əməkdaşı, digəri isə həmin vaxt binada olan mülki şəxsdir. Ölənlərdən birinin və yaralanan şəxsin MDB ölkələrindən birinin vətəndaşı olduğu bildirilib. Amma həmin ölkənin adı açıqlanmayıb.
— Олег Т. (@docZLO) 21 апреля 2017 г.
"Aprelin 21-də, yerli vaxtla saat 17.02-də Rusiyanın Xabarovsk Diyarında Federal Təhlükəsizlik Xidmətinin binasına naməlum şəxs daxil olub. O, müəyyən olunmuş texniki nəzarət zonasını keçmədən içəri girib və birbaşa girişdəki insanları güllələməyə başlayıb. FTX-nın bir əməkdaşı və həmin vaxt qurumu ziyarət edən iki MDB ölkəsi vətəndaşından biri ölüb, digəri isə yaralanıb. Hücum edən şəxs məhv edilib" – deyə xəbərdə bildirilir.
Hüquq-mühafizə orqanları hadisə ilə bağlı araşdırma aparır.
