BAKI, 23 fev – Sputnik. Rusiyanın paytaxtı Moskva ətrafındakı Domodedovo rayonunda partlayış baş verib. Hadisə, nə qədər qəribə olsa da, mənzilin mətbəxindəki paltaryuyan maşının partlaması nəticəsində yaşanıb.
Sputnik Azərbaycan RİA Novosti-yə istinadən xəbər verir ki, 2 nəfər şəxs orta dərəcəli xəsarət alıb.
Hadisə yaşayış binasının ikinci mərtəbəsindəki mənzildə baş verib. 30-a yaxın sakin təcili olaraq binadan təxliyyə edilib. Sonradan onların hamısı geri qayıdıb. Binanın uçmaq təhlükəsi yoxdur.