BAKI, 31 yan — Sputnik. Rusiyanın Maliyyə Nazirliyi rublun, təxminən 10 faiz devalvasiyasını təklif edir. Sputnik Azərbaycan lenta.ru-ya istinadla xəbər verir ki, Maliyyə Nazirliyi dövlət büdcəsinin əsas parametrləri üzrə hesablamalar aparıb.
Qurumun rəsmiləri hesab edirlər ki, rubl devalvasiyaya uğramasa, dövlət büdcəsi, yalnız neftin 1 barelinin 76 dollar olacağı təqdirdə balanslaşa bilər. "Lakin, rublun zəifləməsi idarə olunan olsa, neftin qiyməti 61 dollar olduğu təqdirdə də büdcə kəsirsiz icra oluna bilər" — nazirliyin mütəxəssisləri qeyd edirlər.
Maliyyə Nazirliyi yeni büdcə qaydasını bu il Dövlət Dumasına təklif etməyi planlaşdırır.
