16:12 25 Yanvar 2021
Canlı yayım
  • USD1.7000
  • RUB0.0226
  • EUR2.0705
RUSİYA
Qısa URL
4011

Avtomobil Kiyevin mərkəzində, Boqdan Xmelnitski və İvan Franko küçələrinin kəsişməsində partlayıb. Partlayış zamanı maşında Pavel Şeremet olub.

BAKI, 20 iyul — Sputnik. Məşhur rus jurnalist Pavel Şeremet Kiyevdə avtomobilinin partladılması nəticəsində həlak olub. Sputnik "Ukrainskaya pravda"ya istinadən xəbər verir ki, hadisə bu gün yerli vaxtla səhər saat 07.45-də, P. Şeremet aparıcısı olduğu "Radio Vesti"yə gedərkən baş verib.

"Ukrainskaya pravda" internet nəşrinin rəhbəri Alyona Pritulaya məxsus avtomobil Kiyevin mərkəzində, Boqdan Xmelnitski və İvan Franko küçələrinin kəsişməsində partlayıb. Ukrayna milli polisinin rəhbəri Xatiya Dekanoidze bildirib ki, partlayış zamanı maşında Pavel Şeremet olub.

Dekanoidze bu işin araşdırılmasının onun "vicdan məsələsi" olduğunu deyib: "Pavel Şeremet mənim yaxşı tanışım idi. O, mənim müsahibə verdiyim ilk insan olub. O, yaxşı jurnalist idi və onunla bağlı bu işi araşdırmaq mənim üçün vicdan məsələsidir".

Ukrayna Daxili İşlər Nazirliyinin (DİN) məsləhətçisi Anton Geraşenko avtomobilin uzaq məsafədən partladıldığını deyib. "Partlayışın cani tərəfindən quraşdırılmış partlayıcı qurğu vasitəsilə törədildiyi şübhə doğurmur. Aydındır ki, partlayıcı qurğu uzaqdan idarə olunan və yaxud saat mexanizmi ilə işləyən qurğu olub." — deyə Geraşenko "112 Ukraina" telekanalına bildirib.

Şeremetin qətli ilə bağlı cinayət işi açılıb. Ukrayna prezidenti Pyotr Poroşenko güc strukturlarına jurnalistin qatilini tapmağı əmr edib.

44 yaşlı Pavel Şeremet son beş ildə Kiyevdə yaşayıb. 2012-ci ildən etibarən "Ukrainskaya pravda" qəzetində işləyib. 2015-ci ilin sentyabrından "Radio Vesti"də müəllif proqramının aparıcısı olub.

Ukraynaya gəlişinə qədər Şeremet Rusiyanın "Birinci kanal"ında "Vremya" həftəlik analitik proqramın aparıcısı olub. 2008-ci ildə televiziyadan gedib və "Oqonyok" jurnalinın siyasət və ictimaiyyət şöbəsinin redaktoru olub.

Son dövrlərdə Ukraynada jurnalistlərə qarşı bir neçə əks-səda doğuran qətllər törədilib. Onlardan ən səs-küylüsü ötən ilin aprelində baş vermiş Oles Buzinin qətli olub. O, Kiyevdə evinin qarşısında güllələnib.

Əlaqədar

Jurnalist reportaj zamanı çayda boğulub
Jurnalist Xədicə İsmayılova azadlığa buraxılıb
Azərbaycan XİN əcnəbi jurnalistlərə xəbərdarlıq etdi
Jurnalisti öldürən futbolçu: "Yaxşı etmişəm öldürmüşəm"
Tanınmış jurnalistin məhkəməsinin vaxtı açıqlandı
General jurnalistlərin qarşısında huşunu itirib yıxıldı
Teqlər:
Pavel Şeremet, rus jurnalist, qətl, partlayış, Ukrayna, Kiyev

Əsas mövzular