BAKI, 4 fev-Sputnik. Türkiyə öz hava məkanının pozulmasının qarşısını almaq hüququnu özündə saxlayır.
Sputnik, APA-ya istinadla xəbər verir ki, bu barədə Türkiyə XİN-in rəsmi nümayəndəsi Tancu Bilgic bildirib.
"Bizim hava məkanımızın pozulması hallarının qarşısını almaq, lazımi tədbirlər görmək və müvafiq şəkildə cavab verməyə dair beynəlxalq qanunvericiliyə əsaslanan suveren hüququmuz var", — deyə Türkiyə XİN-in saytında dərc olunmuş materialda bildirilir.
Məlumatda qeyd olunur ki, Türkiyənin hava məkanının pozulması konkret nəticələrlə yekunlaşacaq və bunun məsuliyyəti Rusiyanın üzərinə düşəcək.
Rusiya Hərbi-Hava Qüvvələrinə məxsus "Su-34" təyyarəsi yanvarında 29-da Suriya istiqamətindən Türkiyənin hava məkanını pozub.
