BAKI, 14 dek — Sputnik. Rusiya xarici işlər nazirinin müavini Gennadi Qatilov, rəsmi Ankaranı işğalçı fəaliyyətdə təqsirləndirib.
Türkiyənin İraqın şimalına qanunsuz ordu yığdığını deyən Qatilov, Kremlin bundan narahat olduğunu bildirib:
"Qonşu ölkənin torpaqlarına bu şəkildə kobud müdaxilə etmək heç cür izah oluna bilməz. Ona görə də bu məsələ bizi narahat edir"
Gennadi Qatilov, Ankaranın bu cür hərəkətlərinin, bölgədə onsuz da çətin olan vəziyyəti daha da çətinləşdirdiyini qeyd edib.
