Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti artıb. İyunda çatdırmaq şərti ilə təbii qaza olan fyuçerslərin qiyməti 1 mln. BTU-ya (British thermal unit – Britaniya istilik vahidi) görə 4,58% artaraq 1,711 ABŞ dolları təşkil edib.
İqtisadçı ekspert Fuad İbrahimov Sputnik Azərbaycan-a deyir ki, martdan etibarən qazın qiymətində yüksəlmə müşahidə edilir:
“Bunun müxtəlif səbəbləri var. Ancaq ən əsas səbəb kimi ABŞ-da qazma buruqlarının azalması göstərilir. Bu proses artıq iki ildir ki, davam edir və bu il daha da sürətləndi. Qazın maya dəyəri ilə satışı arasındakı qiymətlərdə fərqin azalması əks effekt verərək artımla əvəz olundu. Dünyada karantin qaydalarının yumşalması da həm neftin, həm də qazın qiymətlərində artımlara səbəb olur”.
Ekspertin geniş şərhinə audiofaylda qulaq asa bilərsiniz
