Qələm - Sputnik Azərbaycan
TƏHLİL
Sosial-iqtisadi, ictimai-siyasi, mədəniyyət, idman və digər sahələrə aid aktual təhlillər

Tarixçi faşizm üzərində qələbədə Azərbaycanın rolundan danışdı

© Sputnik / Murad OrujovQafqaz tarixi mərkəzinin direktoru, siyasi icmalçı, Rizvan Hüseynov
Qafqaz tarixi mərkəzinin direktoru, siyasi icmalçı, Rizvan Hüseynov - Sputnik Azərbaycan
Abunə olmaq
Qafqaz Tarix Mərkəzinin direktoru Rizvan Hüseynov deyir ki, Azərbaycanın müharibədə iştirakı ilə bağlı yanlış məlumatlar çatdırılıb
Rizvan Hüseynov: “Bakı nefti olmasaydı, qələbədən danışmaq olmazdı”

“Bakı nefti olmasaydı, heç bir qələbədən danışmaq olmazdı”. Bunu SSRİ-nin alman faşizmi üzərində qələbəsində Azərbaycanın rolunu Sputnik Azərbaycan-a şərh edərkən Qafqaz Tarix Mərkəzinin direktoru Rizvan Hüseynov deyib.

Tarixçi bildirib ki, o dövrdə Azərbaycanın 2 milyon yarımdan bir qədər çox əhalisi olub və onların 700 mindən çoxu müharibədə iştirak edib: “Müharibədə iştirak edən azərbaycalıların 350 mindən çoxu həlak olub. Çox vaxt Azərbaycanın müharibədəki rolunu təkcə neft amili ilə bağlıyırlar. Ancaq biz bu müharibədə böyük canlı qüvvə ilə iştirak etmişik. İndi rusiyalı ekspertlər də deyir ki, Azərbaycanın müharibədə iştirakı ilə bağlı yanlış məlumatlar çatdırılıb. Biz Azərbaycanın bu müharibədə necə iştirak etməsinin təbliğatını aparmalıyıq”.

Qeyd edək ki, bu gün alman faşizmi üzərində tarixi qələbədən 74 il keçir. 1941-ci il iyunun 22-də Hitler Almaniyası Azərbaycanın da daxil olduğu SSRİ-yə hücum edib. Müharibə 1945-ci il mayın 9-da — Berlindəki Reyxstaq binası üzərindən faşizm bayrağının endirilməsi və SSRİ-nin bayrağının sancılması ilə başa çatıb.

Tarixçinin geniş şərhinə audiofaylda qulaq asa bilərsiniz

Xəbər lenti
0