Yeni təcili tibbi yardım avtomobilləri  - Sputnik Azərbaycan
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Azərbaycanda şəkərli diabet xəstələrinin sayı açıqlandı

© REPORTRespublika Endokrinoloji Mərkəzinin direktoru Yusif İsmizadə
Respublika Endokrinoloji Mərkəzinin direktoru Yusif İsmizadə - Sputnik Azərbaycan
Abunə olmaq
Respublika Endokrinoloji Mərkəzinin direktoru Yusif İsmizadə deyir ki, şəkərli diabet xəstələrinin vahid registri yaradılıb
Yusif İsmizadə: “Tibb müəssisələrində diabet təlim məktəbləri yaradılacaq”

Bu ilin əvvəlinə olan məlumata görə, Azərbaycanda 243 226 nəfər şəkərli diabet xəstəsi var. Sputnik Azərbaycan xəbər verir ki, bunu Respublika Endokrinoloji Mərkəzinin direktoru Yusif İsmizadə deyib.

O bildirib ki, xəstələrdən 53 401 nəfəri insulin, 36 963 nəfəri həm insulin, həm də şəkərsalıcı həblər, 152 862 nəfəri isə həblər tələb edən xəstələrdir:

“İnsulin tələb edən xəstələrin 1600 nəfəri 18 yaşa qədər olan uşaqlardır. Qeydiyyatda olan bütün şəkərli diabet xəstələri insulin və digər şəkərsalıcı dərman preparatları, özünənəzarət vasitələri ilə təmin edilib, bu xəstəlikdən əziyyət çəkən uşaqlara 90 ədəd insulin pompası verilib. Şəkərli diabet xəstələrinin qeydiyyatı, dərman preparatları və özünənəzarət vasitələri ilə təminatının səmərəliləşdirilməsi üçün belə xəstələrin vahid registri yaradılıb. Hər il 20-25 min yeni şəkərli diabet xəstəsi qeydiyyata alınır. Artıq Bakı şəhəri üzrə elektron registr və məlumat bazasının təkmilləşdirilməsi başa çatıb. Hazırda 65 455 şəkərli diabet xəstəsi elektron sağlamlıq kartı ilə təmin edilib. Regionlarda bu iş 2019-cu ilin 6 ayı ərzində yekunlaşacaq. Şəkərli diabet xəstəliyinin profilaktikası məqsədi ilə tibb müəssisələrində diabet təlim məktəblərinin yaradılıb. Bu il daha 12 regionda belə məktəblərin fəaliyyətə başlamasının planlaşdırılır.

Yusif İsmizadənin fikirlərinə audiofaylda qulaq asa bilərsiniz

Xəbər lenti
0